Erakunde onuradunak

Produktu-prozesu industrialari lotutako industria- eta zerbitzu-enpresak, baldin eta EAEn jarduera-zentro bat badute eta EAEko dagokion EJZren epigrafean alta emanda badaude.

Diruz lagun daitezkeen jarduerak

Diruz lagundu daitezkeen jardueratzat hartuko dira industria-enpresek gidatutako laguntza teknikoko proiektuak eta produktu-prozesu industrialari lotutako zerbitzu-proiektuak, baldin eta honako hauek ahalbidetzen badituzte:

• Ekintza Plan bat egitea, teknologia digitalak eta jasangarriak eta/edo jasangarriak xurgatzeko gaitasuna handitzeko,
• kontzeptuaren proba bat egitea.

Proiektu horiek teknologia hauek txertatzeko kontzeptu-proba bat diseinatzera bideratuko dira nahitaez:

• Robotika malgua eta kolaboratiboa.
• Fabrikazio gehigarria.
• Material aurreratuak.
• Zibersegurtasuna.
• Adimen artifiziala.
• Makina adimendunak eta konektatuak.
• Gailu medikoak eta osasun digitala.
• Sare elektriko digitalak.

Gastu hautagarriak

Gastu hautagarritzat hartuko dira kontzeptu hauek:

• Erakunde onuradunak aukeratutako BDIHa kontratatzeko gastuak, aurkeztutako proiektuaren esparruan aditua eta proiektua gauzatzeko benetan inplikatua.
• Erakunde onuradunak aukeratutako Europako EDIHaren kontratazio-gastuak, aurkeztutako proiektuaren esparruan aditua eta proiektua gauzatzen benetan inplikatua.
• Erakunde eskatzailearen langileen bidaia-gastuak (Europako EDHI baten aktiboak erabiltzen direnean bakarrik).

Laguntzen zenbatekoa

Gastu hautagarrien % 80ko dirulaguntza, gehieneko zenbateko hauekin:

• 12.000 euro, proiektua BDIHko agente batekin lankidetzan egiten bada.
• 20.000 euro, proiektua BDIHko agente batekin baino gehiagorekin lankidetzan egiten bada.
• 15.000 euro proiektua Europako EDIH batekin egiten bada, proiektu bakoitzeko 12.000 euroko muga partzialarekin, eta 3.000 euro bidaietarako.

Dirulaguntzaren ordainketa

Emandako dirulaguntza ordainketa bakar batean ordainduko zaio erakunde onuradunari, likidazio-eskabidea aurkeztu ondoren.

Gauzatze epea

Laguntza honen babespeko proiektuak 2025eko abenduaren 19a baino lehen amaitu beharko dira.

Gastu hautagarriak SPRIn laguntza-eskaera aurkezten denetik aurrera eta proiektua gauzatzeko epean sortu edo fakturatu beharko dira. Halaber, 2025eko urtarrilaren 1etik aurrera hasitako proiektuen laguntza-eskabidea aurkeztu aurretik sortutako edo fakturatutako gastuak onartuko dira.

Justifikazio epea

Diruz laguntzeko moduko jarduera amaitu ondoren, 10 egun balioduneko epean, gehienez ere 2025eko abenduaren 29an.

Beste dokumentu batzuk

Oinarri Arautzaileak Aldatzea: 2504807e.pdf