Lan-eskaintza

Erronkaz betetako eta garapen pertsonal handiko proiektu profesional baten bila zabiltza?

Lea-Artibai eskualdeko garapen ekonomikoan lan egiten duen Leartibai Fundazioan, INDUSTRIA LEHIAKORTASUNEKO TEKNIKARI baten bila gabiltza lanpostu finko bat betetzeko.

Lanpostu horren zeregin nagusia eskualdeko industria-enpresen beharrak eta erronkak ezagutzea da, eta enpresa horien berrikuntza eta lehiakortasun-hobekuntzako proiektuak definitzen eta garatzen laguntzea. Baita, eskualderako Europako funtsak erakartzen eta proiektuen garapeneko lan taldean parte hartzea.

Eskualdeko industria-enpresen beharrak eta erronkak ezagutu, eta enpresa horien berrikuntza eta lehiakortasun-hobekuntzako proiektuak definitu eta garatzen laguntzea izango da zeregin nagusia. Baita, eskualderako Europako funtsak erakartzea eta proiektuen garapeneko lan taldean parte hartzea.

Enpresa-administrazioan eta -zuzendaritzan lizentziatua eta ingeles-maila altua.

• Industria-sarearen beharrak eta erronkak identifikatu eta horiei etengabe erantzun.

• Enpresa industrialen negozio-ereduen berrikuntzan eta eraldaketa digital eta berdean lagundu.

• Enpresa industrialentzako proiektuak definitu eta funts publikoak erakartzen lagundu.

• Industriaren lehiakortasuna hobetzeko programak definitzen lagundu eta exekuzioan parte hartu.

• Europako programetan aukerak identifikatzen, eta proiektuen diseinuan eta exekuzioan lagundu.

• Enpresei finantziazio publikoen inguruko aholkularitza eman.

• Programetan parte hartzeko enpresen kaptazioa egin.

• Bilerak dinamizatu.

• Laguntza programen eskaerak eta justifikazioak kudeatu.

• Lanaldi osoko lanpostu finko bat.

• Ikasteko aukera handiak ematen dituen erakundea.

• Lea-Artibai eskualdean eta eskualdearentzako lan egingo duzu.

• Talde gazte, proaktibo eta dinamiko baten parte izango zara.

LEARTIBAI FUNDAZIOA Lea-Artibai eskualdearen garapen ekonomikorako lan egiten duen eskualdeko erakundea da eta eremu ekonomikoko sektore guztien lehiakortasunean eragiten du.

Gure helburua, inguruneko enpresa-egitura berritzea da eta, horretarako, enpresen lehiakortasuna bultzatu eta jarduera berriak eta lanpostu berritzaile eta jasangarriak sustatzeko lan egiten dugu. Aukera-berdintasuna eta gizarte- eta lurralde-kohesioa bermatzea dugu helburu. Zeregin horretan eragile publiko eta pribatuak ditugu bidelagun.

Leartibai Fundazioa Zientzia, Teknologia eta Berrikuntzako Euskal Sareko (ZTBES) agentea da.

Talde-lana eta elkarlana funtsezkoak dira Leartibai Fundazioaren egunerokoan; langile bakoitzaren gaitasunetatik abiatuta, proiektuak garatzeko behar diren profilak eratzen ditugu. Giro atsegina eta euskalduna aurkituko duzu eta elkarri laguntzeko prest gaude beti.