Iraila 2024
Leartibai Fundazioak hainbat lan-kontratu bideratuko ditu udazken honetan, Eusko Jaurlaritzaren Enplegua sustatzeko toki-ekintzetarako 2024ko dirulaguntzen deialdiaren baitan.
Ekimen horren helburua langabezian dauden pertsonen laneratzea bultzatzea da. Horregatik, Lanbide-Euskal Enplegu Zerbitzuaren laguntzarekin, Fundazioak 16 teknikari kontratatuko ditu urteko azken hiruhileko honetan, eskualdeko udalen babesarekin zehaztutako 13 proiektu ezberdin garatzeko.
6 hilabeteko kontratuak izango dira, eta askotariko lanbide-profilak eskatuko dira, hala nola, Estolderia mapa osatzeko teknikaria, Ondare eta baliabide publikoen azterketa teknikaria, Argazki zaharrak digitalizatzeko teknikaria eta Nekazal enpresa haztegirako teknikaria, besteak beste.
Momentuz azken hori dago irekita bakarrik; hau da, NEKAZAL ENPRESA HAZTEGIRAKO TEKNIKARIA, baina laster izango dira eskuragarri gainerakoak. Lan-eskaintzetan izena emateko ezinbesteko baldintza da LANBIDEn langabetu bezala erregistratuta egotea eta lan-eskaintzan izena ematea LANBIDEren web-orriaren (www.lanbide.euskadi.eus) bidez, lanpostuaren erreferentzia-kodea erabilita.
Zabalik dagoen lan-eskaintzaren titulua eta kodea hauek dira:
162024009449_ Nekazal enpresa haztegirako teknikaria (LPE 2024).
Gainerako lan-eskaintzak ere Lanbideren web-orrian argitaratuko dira.