Apirila 2026 –
Euskadi turismo arduratsuaren sustapenean aitzindari gisa sendotu da, Basquetourrek bultzatutako Euskadiko Turismoaren Kode Etikoaren esparruan.
Euskadi osoan, 820 enpresa eta profesional baino gehiago daude jada Kode Etikoari atxikita, eta horrek argi erakusten du ekimenaren sendotzea, erantzukizunean, jasangarritasunean eta etengabeko hobekuntzan oinarritutako eredu baten alde.
Gaur egun, Lea-Artibai eskualdean 25 enpresa daude Euskadiko Turismoaren Kode Etikoari atxikita. Datu honek agerian uzten du tokiko enpresa-sarearen konpromiso gero eta handiagoa turismo-eredu arduratsuago, jasangarriago eta lurraldearen balioekin lerrokatutako baten alde. Halaber, azpimarratzekoa da atxikimenduak prestakuntza, ebaluazioa eta jarraipen jarraitua eskatzen dituela, sektorearen etengabeko hobekuntza bultzatuz.
Aurten, bereziki aitortu da 2020 eta 2025 urteetan bideari ekin zioten enpresen lana. Lea-Artibai eskualdearen kasuan, honako hauek izan dira: Ondarroako Batzokia, Mendexa Abentura Park, Ur Lekeitio, Silken Jauregia, Egaña Jatetxea, Akuiola Nekazalturismoa, Santa Katalina Itsas Argia, Lekeitioko Turismo Bulegoa, Ondarroako Turismo Bulegoa, Zelaigane Pentsioa eta Lea-Artibai Fundazioa. Zorionak guztioi egindako lan, ahalegin eta inplikazioagatik!