Apirila 2022
Aste Santuko oporrak hurbiltzen ari dira, eta urte hasieratik lanean ari garen arren, Lea-Artibai sustatzeko unea da, turistak erakartzeko. Horretarako, Leartibai Fundazioan sektorearekin lanean ari gara hainbat jardueratan, gure eskaintza ezagutarazteko. Hauek dira 2022an planifikatutako ekintzetako batzuk:
• Helmugaren publizitate digitaleko kanpainak, eskualdearen eta haren baliabide nagusien balioa adieraziz: GR38 – Ardoaren eta Arrainaren Ibilbidea, gastronomia, tradizioak, naturako jarduerak… Kanpainak sare sozialen bidez (Facebook eta Instagram) egiten dira, interesatzen diren merkatuetan: Euskadi, Madril, Bartzelona, Gaztela eta Leon, Aragoi, Errioxa…
• “Zer egin dezakegu Lea-Artibain? Aste Santuko eskaintza” programa, turismo-zerbitzuetako enpresekin lankidetzan garatu dena, eskaintza bateratzeko eta gure bisitariei jarduerak eskaini ahal izateko. Enpresa bakoitzak bere agenda prestatu du Aste Santurako, eta Leartibai Fundazioan publizitateaz arduratuko gara, egun horietarako Lea-Artibain ditugun baliabide turistikoak aurkezteko. Era berean, eskualdean dugun ostatu-eskaintza zabala eta askotarikoa sustatuko dugu, bisitariei arreta pertsonalizatua eta kalitatezkoa eskaintzen dieten hainbat motatako establezimenduekin. Helburu diren merkatuak goian aipatutako berberak dira.
• Euskal Itzulia 2022 gure eskualdetik bi etapatan igaroko dela aprobetxatuz, hainbat iragarki jarriko ditugu lasterketaren berri ematen duen Radio Popular-Herri Irratian, gure bidezidorren eta turismo aktiboaren eskaintza sustatzeko asmoz.
Eta hori guztia honako lelo hauen pean: «Itsasoz eta lehorrez» eta «Gure etxea zure helmuga delako». Zer hobe gure bisitariak etxean bezala sentitzera gonbidatzea baino?
