Maiatza 2022
Leartibai Fundazioak, Bizkaiko Foru Aldundiarekin lankidetzan, TREBATU DIGITALKI programa abiarazi du. Programa horren helburu nagusia gaitasun eta ezagutza digitalak eskuratzea da, Lea-Artibai eskualdeko 18 urtetik gorako pertsonek enpresek gero eta gehiago eskatzen dituzten lanpostuak lortzeko aukera izan dezaten.
TREBATU DIGITALKI programan parte hartzen dutenek 500€ko beka eskuratu ahal izango dute 6 hilabetez. Plazak mugatuak dira eta izena emateko epea zabalik dago.
KT aholkularia, software-garatzailea, marketin digitala…% 100eko laneratze-tasa duten lanpostuak dira. Etorkizun handiko lanpostuak dira.
Horregatik, Leartibai Fundazioak enpleguaren arloan egiten duen jarduerari balio erantsia ematen dion programa da TREBATU DIGITALKI, Lea-Artibaiko herritarren enplegagarritasuna hobetzea ahalbidetzen duena.
42URDULIZ
Urduliz Dorrean (Bizkaia) kokatutako 2.400 m2 baino gehiagoko espazioa da 42Urduliz programazio kanpusa. Irakaslerik gabeko metodologia gamifikatuan oinarritutako zentro honen laneratze-tasa % 100ekoa da. Nazio mailan gehien eskatzen den profil digitala garatzen da. Bertan, prestakuntza-eredu disruptibo bat planteatzen da, lan-merkatuak eskatzen dituen erronka eta profil digital guztietarako. Ikasten ikastea ardatz duen filosofiaren bitartez, sormena, ahalegina, mugak gainditzea eta talde-lana sustatzen dituen espazioa da.
42Urduliz zentroan aurrez aurreko eskolak ematen dira, eta norberak aukeratzen du zer ikasi eta zer erritmotan. Asteko egun guztietan dago zabalik, eguneko 24 orduetan, eta bere instalazioak bereziak dira.
Ez da aurretiko ezagutzarik izan behar, ezta inolako titulaziorik ere. Eskola honetan sartzeko bi fase baino ez dira gainditu behar: online izena emateko test bat eta 26 eguneko aurrez aurreko hautaketa-aldi bat.
42URDULIZ EZAGUTZERA JOATEKO IRTEERA
Leartibai Fundazioak, maiatzaren 31n, goizean, irteera bat antolatu du 42Urduliz campusa ezagutzera joateko. Metodologia berezi hori bertatik bertara ezagutu eta instalazioak bisitatzeko. Irteera honetara etortzeko interesa dutenek https://leartibaifundazioa.eus/ webgunean aurkituko dute izena emateko orria. Irteera goizeko 10:00etatik 14:00etara izango da.
