Uztaila 2022
Uda une egokia izaten da produktu berriak martxan jartzeko, proiektu pilotuak probatzeko eta eskualdeetako baliabide turistikoak dinamizatzeko.
Hori dela eta, aurten Lea-Artibain Bizkaia KOSTA BUS jarri dugu martxan. Uribe eta Urdaibai eskualdeekin lankidetzan sortutako eko-esperientzia pilotu bat da, Bizkaiko kostaldea balioan jartzeko produktu bakar baten bidez, turistak ez baitu mugarik ulertzen.
Ekimen hau autobus-zerbitzu bat da, data jakin batzuetan Bilbotik abiatuko dena, lurraldeko turisten fluxuak dibertsifikatzeko eta helmugaren karga-ahalmenean eragiteko. Ingurumen-jasangarritasunarekin eta km 0 filosofiarekin lotutako turismo-jarduerak eskainiko dira, eskualde bakoitzeko enpresekin lan eginez. Eko jardueren inguruko ibilbide tematizatuak aurreikusi dira, besteak beste, geoturismoa, bidezidorrak, naturaguneak, portuak, baserriak, sasoiko produktuak… iraunkortasunarekin lotutako jarduerekin konbinatuta, hala nola plugginga. Gainera, km 0 hamaiketako bat ere barne hartzen du gure enpresen laguntzari esker eta tokiko produktu gastronomikoei balioa emanez.
Normalean, asko hitz egiten da garraio publikoa sustatzeaz, gure bisitarien aztarna ekologikoa murrizteko. Hala ere, ekimen honekin pixka bat harago goaz eta Ad hoc programa turistiko bat garatzea planteatzen dugu, Bizkaiko kostaldearen iraunkortasunari, ingurunearekiko errespetuari eta bidaiatzeko modu desberdinei buruz kontzientziatzeko jarduerak dituena.
Proiektua KOSTA eta EKO-esperientziak kontzeptuekin definitzen da, izan ere, «K» horrekin gure kostaldeko eskualdeen identitate-faktorea markatzen dugu. Ez da edozein kostalde, ezta edozein eskaintza ere, gure KOSTA da.
Gure eskualdeari dagokionez, bi irteera egongo dira bisitatu ahal izateko: uztailaren 9an eta abuztuaren 13an. Horrela, bisita ezberdin bat eskaintzea espero dugu, Lea-Artibai hiru dimentsiotan (ingurumena, ekonomia eta gizartea) helmuga jasangarri gisa kokatzen lagunduko duena, eta, ondoren, gure enpresek elkarlanean garatu ahal izango dutena.
Bisita horietan parte hartu ahal izateko, izena eman behar da helbide honetan: www.uribe.eu/ms. Irteera bakoitzaren programa osoa eta ekimenaren xehetasun guztiak ere bertan aurkituko dituzue.
Eko-esperientzia hau eskualdez gaindiko turismo-estrategietan txertatuta dago, eta Eusko Jaurlaritzaren eta Bizkaiko Foru Aldundiaren babesa du laguntza-programen bidez.
