Uztaila 2022
Leartibai Fundazioak laguntza ematen die Lea-Artibaiko ETE industrialei beraien merkataritza-estrategia hobetzeko, SALBIDE 2022 programaren bidez.
Leartibai Fundazioak, Bizkaiko eskualde garapenerako beste eragile batzuekin batera, SALBIDE 2022 programa definitu eta abiarazi du. Ekimen horren helburua Lea-Artibai eskualdeko industria-enpresa txiki eta ertainei beraien merkataritza-estrategia hobetzen laguntzea da, bezeroen dibertsifikazioa bultzatuz. Horretarako, fundaziotik, eta gaian adituak diren aholkularien laguntzarekin, enpresei beraien negozio-eredua aztertzen eta merkatu-azterketa egiten laguntzen diete. Zehazki, honako hau da enpresei ematen zaien laguntza: balio-proposamena eta bezero estrategikoak birdefinitzea; komunikazio-bideak eta -euskarriak berrikustea; eta merkataritza-aukera berriak identifikatzea eta jorratzea, merkataritza-elkarrizketak ixtera ere iritsiz.
Programaren edizio honetan, Lea-Artibaitik, metalmekanika sektoreko 3 ETEk hartu dute parte. Hala ere, datorren urtean jarraitu beharreko programa dela uste dute; horrela, interesa duten eskualdeko gainerako ETEek parte hartzeko aukera izango dute.
SALBIDE 2022 programa Bizkaiko Foru Aldundiaren Eskualdeko Lehiakortasuna Sustatzeko Programak finantzatzen du eta Bizkaia Orekan Sakonduz ekimenaren barruan kokatzen da.
