Urria 2022
Gaur, urriak 17, hasi da aurtengo EUSKADI BONO DENDA programaren deskontuen bigarren aldia, Euskal Autonomia Erkidegoan tokiko merkataritza sustatzeko.
Euskadi Bono Denda Eusko Jaurlaritzak bultzatutako bonu-programa bat da, hiriko merkataritza-jarduerarekin lotutako merkataritza-establezimenduetan eta zerbitzuetan ondasunen kontsumoa eta zerbitzuak ematea helburu duena. Bonu bakoitzak 10 €ko deskontua izango du, gutxienez 30 €ko erosketa eginez gero kanpainari atxikita dauden establezimenduetan. Ekimen honetan parte hartu ahal izango dute Euskal Autonomia Erkidegoko enpresaburu autonomo, mikroenpresa edo enpresa txiki diren merkataritza-jarduerek.
Bonuak ordainketa egiteko unean eskuratu ahalko dira kanpainari atxikitako establezimenduetan. Pertsona bakoitzak gehienez ere 5 bonu jaso ahal izango ditu, 50 €ko balioa dutenak, eta erosketa bakarrean edo batzuetan metatu ahal izango ditu, baita establezimendu batean edo gehiagotan ere.
Halaber, Euskadi Bono Denda bonuak bateragarriak dira beste deskontu-programa batzuekin; hau da, erosketa berean metatu ahal izango dira, betiere Euskadi Bono Denda bakoitzak gutxienez 30 euroko gastua badu bonu bakoitzeko.
Bonuak trukatzeko bigarren aldi hau gaur, urriak 17, hasi eta 2022ko abenduaren 4an amaituko da. Oraingo honetan ere, Lea-Artibai eskualdeko merkatari elkarteek (Zatozte, Hemen be bai, Kitto) bat egin nahi izan dute ekimen honekin eta eskualdeko 82 establezimendu inguru programara gehitzea lortu dute. Beraz, aukera paregabea izango da gure inguruko establezimendu txikietan kontsumitzeko eta tokiko merkataritza bultzatzeko.
Informazio gehiago nahi izanez gero, EUSKADI BONO DENDA webgunean dago eskuragai.
Ekimen hau Eusko Jaurlaritzak, Arabako Foru Aldundiak, Bizkaiko Foru Aldundiak, Gasteizko Udalak eta EUDELek koordinatzen dute.
