Finantzaketa-lerro honetara honako hauek aurkeztu ahal izango dira:

• Euskal Autonomia Erkidegoan helbideratutako enpresa txiki eta ertainak (ETEak).
• Euskal Autonomia Erkidegoan helbideratutako enpresa handi hautagarriak.
• Euskal Autonomia Erkidegoan helbideratutako banakako enpresariak eta profesional autonomoak.

Enpresek deialdian onartutako EJZN kodeetako sektoreetako batean garatu beharko dute beren jarduera.

Diruz lagundu daitezkeen jarduketak

Honako eraldaketa-prozesu hauei lotutako inbertsioak finantzatu ahal izango dira:

• Enpresa-eraldaketa
• Hazkundea eta ekoizpen-gaitasuna handitzea.
• Nazioartekotzea.
• Industria-birkokapena.
• Enpresa-dibertsifikazioa.
• Balio-katean kokapena hobetzea.
• Energia- eta ingurumen-eraldaketa
• Energia-eraginkortasuna.
• Energia berriztagarriak.
• Deskarbonizazioa.
• Baliabideen kudeaketa jasangarria.
• Ekonomia zirkularra.
• Eraldaketa teknologikoa eta digitala
• Adimen Artifiziala.
• IoT.
• Blockchain.
• Konputazio kuantikoa.
• Automatizazioa.
• Robotika.
• Industria-digitalizazioa.
• Irtenbide teknologiko berrien garapena.

Diruz lagundu daitezkeen gastuak

Honako proiektu hauei zuzenean lotutako inbertsio-beharrak finantzatu ahal izango dira:

• Enpresa-eraldaketa.
• Energia- eta ingurumen-eraldaketa.
• Eraldaketa teknologikoa eta digitala.

Kanpoan geratzen dira lehendik dauden zorrak birfinantzatzera edo aurretiaz kitatzera bideratutako eragiketak.

Laguntzaren Zenbatekoa

Laguntza Elkargi, S.G.R.-k abalatutako maileguen bidez gauzatuko da.

• ETEak eta enpresa handi hautagarriak: 200.000 € eta 2.000.000 € arteko eragiketak.
• Autonomoak eta banakako enpresariak: 50.000 € eta 250.000 € arteko eragiketak.

Finantza-baldintzak

• Gehieneko interes-tasa: 6 hilabeteko Euriborra + %0,75.
• Gehieneko epea: 10 urte.
• Aukerako gabealdia: gehienez 2 urte.
• Banku-komisio gehigarririk gabe.
• Aurretiazko amortizazioa kosturik gabe.

Laguntzaren Ordainketa

Emandako maileguaren zenbateko osoa enpresaren edo pertsona onuradunaren eskura jarriko da, erakunde finantzario laguntzaileak atxikipenik edo bahiturarik egin gabe.

Gauzatze Epea

Inbertsioak finantzatutako proiektuaren barruan egin beharko dira, formalizatutako finantzaketa-eragiketan onartutako baldintzen arabera.

MINIMIS

Partzialki.

Eragiketek, dagokienean, minimis laguntzei buruzko Europako araudi orokorra, nekazaritzakoa eta arrantzakoa errespetatu beharko dute.