«Lortu Berria» laguntza-programaren xedea da Lortu Berria Zerbitzuaren bidez finantza-osasuneko proiektuak gauzatan egiteko laguntzak ematea arautzea. Zerbitzu hori industria-produktuarekin eta industria-prozesuarekin lotutako industria-enpresei eta zerbitzu-enpresei zuzenduta dago, finantza-osasuna lortzea ahalbidetuko dieten proiektuak egiten lagun diezaieten. Proiektuetan honako hauek sartuko dira: aurretiazko diagnostikoa, analisi eta diagnostiko integrala, ekintza-plan bat egitea eta zehaztutako neurriak gauzatzen laguntzea.
Enpresa onuradunak
Programa honen xede diren dirulaguntzak eskuratu ahal izango dituzte enpresa industrialek eta produktu-prozesu industrialari lotutako zerbitzu-enpresek, bideragarritasuna arriskuan jartzen duten eta/edo lehiakortasuna mehatxatzen duten egoerei aurre egiten dieten edo arrisku-seinale goiztiarrak identifikatzen dituzten pertsona juridikoek, baldin eta:
- Euskal Autonomia Erkidegoan jarduera-zentro bat izatea.
- Euskadiko Jarduera Ekonomikoen gaineko Zergaren dagokion epigrafean alta emanda badaude.
Diruz lagundu daitezkeen jarduerak
Diruz lagundu daitezkeen jardueratzat hartuko dira Lortu Berria Zerbitzuan sartuta daudenak, honako hauek ahalbidetzen dituzten finantza-osasuneko proiektuak gauzatzeko:
- Onuradunaren abiapuntuko egoeraren aurretiazko diagnostikoa egitea.
- Enpresaren diagnostiko integrala egitea.
- Onuradunaren bideragarritasuna bermatzeko eta haren lehiakortasuna indartzeko beharrezkoak diren neurriak zehaztuko dituen ekintza-plana egitea.
- Zehaztutako neurriak ezartzen hasierako laguntza ematea.
Diruz lagundu daitezkeen jarduerak honako proiektu-tipologia hauetako baten barruan sartuko dira:
- Berregituraketa ekonomiko-finantzarioa.
- Sozietateen gobernantza eta berrantolaketa.
- Belaunaldien ondorengotza eta erreleboa.
- Bat-egiteak eta eskuratzeak (M & A).
- Proiektu konbinatuak.
Gastu hautagarriak
Laguntza gauzazko dirulaguntza gisa bideratuko da, diagnostiko-zerbitzu espezializatuak emanez, ekintza-planak eginez eta adituei lagunduz Lortu Berria Zerbitzuaren barruan.
Laguntzaren zenbatekoa
1. fasea
- Gauzazko laguntzaren zenbatekoa: 1.200 euro (zergak kanpo).
- 8 eta 10 lanordu bitarteko tartearen baliokidea.
- 1. fasearen kostuaren % 100eko dirulaguntza.
2. fasea
- Orduko prezioa 130 eurokoa izango da (zergak kenduta).
- Dirulaguntzak diruz lagundu daitekeen jarduketaren kostu osoaren % 90 estaliko du.
- Gainerako % 10a nahitaezko koordainketaren bidez finantzatu beharko du erakunde onuradunak.
Gauzatzeko epea
1. fasea: 15 egun naturaleko epea, dirulaguntza emateko ebazpena ematen denetik aurrera.
2. fasea: 9 hilabeteko epea, gehienez, 2. fasea emateko ebazpena ematen denetik aurrera.
Dirulaguntzaren justifikazioa
Jarduerak amaitu ondoren, erakunde onuradunek, laguntza-talde adituaren laguntzarekin, hura justifikatu beharko dute, SPRIren web-orrian gaitutako likidazio-eskaeraren bidez.
- 1. fasea likidatzeko eskaera gehienez ere 15 egun naturaleko epean aurkeztu beharko da, 1. fasea emateko ebazpena ematen denetik zenbatzen hasita.
- 2. fasearen likidazio-eskaera proiektua amaitzean aurkeztu beharko da, eta, nolanahi ere, beranduenez, 2027ko irailaren 16an edo 2. fasea emateko ebazpena eman eta gehienez ere 9 hilabeteko epean.