Oinarri hauen xedea da Euskal Autonomia Erkidegoko nekazaritzako elikagaien eta zuraren balio-kateetan ikertzeko, garatzeko eta berritzeko (Ikerbat programa) laguntza-lerro hauen arau erregulatzaileak onartzea 2026ko ekitaldirako. Laguntza-lerro horiek ez dira itzulgarriak:
- 1. lerroa: Elikaduraren eta zuraren balio-katearekin lotutako I+G proiektuetarako laguntzak.
- 2. lerroa: Zientzia, Teknologia eta Berrikuntzaren Euskal Sareko eragileek egindako I+Gko proiektuetarako laguntzak, nekazaritzako eta basogintzako sektoreetarako ezagutza sortzeko eta ezagutza espezifikoa zabaltzeko.
- 3. lerroa: Negozio-prozesuetako berrikuntza-proiektuetarako laguntzak.
- 4. lerroa: AEI Agriko talde operatiboek berrikuntza-proiektuak gauzatzeko laguntzak.
- 5. lerroa: Lankidetza-taldeek berrikuntza-proiektuak gauzatzeko laguntzak.
Laguntza horien helburua eraginkortasuna handitzea eta lehiakortasuna hobetzea da, bai eta Euskal Autonomia Erkidegoko nekazaritza, basogintza eta arrantzako eta akuikulturako produktuen sektoreetan hazkunde iraunkorrari laguntzea eta lankidetza sustatzea ere.
Erakunde Onuradunak
1. lerroa. Elikaduraren eta zuraren balio-kateari lotutako I+G proiektuak
- ETEak.
- Enpresa handiak.
- Enpresa-elkarteak.
- Nortasun juridikorik gabeko pertsona fisiko edo juridiko pribatuen taldeak eta ondasun-erkidegoak.
2. lerroa. Ezagutza sortzea eta zabaltzea (eta 1.ii lerroa. EZBKrako ezagutza sortzeko I+G proiektuak, ZTBESeko eragileek eginak)
- Zientzia, Teknologia eta Berrikuntzaren Euskal Sareko (ZTBES) eragile akreditatuak.
3. lerroa. Negozio-prozesuetako berrikuntza
- ETEak.
- Enpresa handiak (ETEekin benetako lankidetzan soilik).
- Nortasun juridikorik gabeko pertsona fisiko edo juridiko pribatuen taldeak eta ondasun-erkidegoak.
4. lerroa. Talde Operatiboak (AEI Agri)
- Talde Operatibo bateko kide diren pertsona fisiko edo juridikoak, administrazio publikoak barne.
5. lerroa. Lankidetza Taldeak
- Lankidetza Talde bateko kide diren pertsona fisiko edo juridikoak, administrazio publikoak barne.
- eta 5. lerroetako Talde Operatiboak eta Lankidetza Taldeak nortasun juridikorik gabeko erakundeak izan daitezke.
Diruz lagundu daitezkeen jarduketak
1. lerroa
- Elikaduraren eta zuraren balio-kateko enpresa mailako I+G proiektuak.
- Elikaduraren eta zuraren balio-katerako ezagutza sortzea.
- Bioekonomiako jardueren proiektu pilotuak.
- Bioekonomiako jardueren erakustaldi-proiektuak.
2. lerroa
- Nekazaritza- eta basogintza-sektoreetarako berariazko ezagutza sortu eta zabaltzeko proiektuak.
3. lerroa
- Elikaduraren eta zuraren balio-katean ekoizpenarekin, eraldaketarekin, banaketarekin eta merkaturatzearekin lotutako negozio-prozesuetan berrikuntza teknologikoko proiektuak.
4. lerroa
- AEI Agriko Talde Operatiboek garatutako berrikuntza-proiektuak, nekazaritza- eta basogintza-sektorearen produktibitatea eta jasangarritasuna sustatzera bideratuak.
5. lerroa
- Lankidetza Taldeek garatutako berrikuntza-proiektuak, nekazaritzaren, agroelikaduraren, basogintzaren eta landa-ingurunearen modernizazioari lotutakoak.
Diruz lagundu daitezkeen gastuak
- 1. eta 2. lerroak: langileak, ekipamendua eta materiala, eraikinak, kontratu bidezko ikerketa, patenteak, aholkularitza, komunikazioa eta dibulgazioa, proiektuaren prestaketa, gastu orokorrak eta bidaiak.
- 3. lerroa: langileak, ekipamendua eta materiala, eraikinak, kontratu bidezko ikerketa, patenteak, aholkularitza eta gastu orokorrak.
- 4. eta 5. lerroak: langileak, zeharkako kostuak, kanpoko zerbitzuak, ekipamendu-ondasunak eta azpiegiturak, prototipoak, material suntsikorra, bidaiak, mantenua eta bestelako gastuak.
Laguntzaren zenbatekoa
1. lerroa. I+G proiektuak
- Oinarrizko ikerketa: diruz lagundu daitezkeen kostuen % 100era arte.
- Industria-ikerketa: % 50era arte, eta % 80ra arte handitu ahal izango da enpresaren tamainaren eta lankidetza-mailaren arabera.
- Garapen esperimentala: % 25era arte, eta % 80ra arte handitu ahal izango da.
- Bideragarritasun-azterketak: % 50era arte, ETEentzako gehikuntzekin.
2. lerroa. Ezagutza sortzea eta zabaltzea
- Diruz lagundu daitezkeen kostuen % 100era arte.
3. lerroa. Negozio-prozesuetako berrikuntza
- ETEak: diruz lagundu daitezkeen kostuen % 50era arte.
- Enpresa handiak: % 15era arte, betiere ETEekin benetako lankidetzan jarduten badute.
4. eta 5. lerroak. Talde Operatiboak eta Lankidetza Taldeak
- Laguntzaren intentsitatea proiektuak lortutako puntuazioaren araberakoa izango da: % 80ra arte.
Gainera, proiektu bakoitzeko diruz lagundu daitekeen gehieneko zenbatekoa 400.000 € izango da, NPBren 2023-2027 Plan Estrategikoaren aldaketak onartzearen mende. Bestela, muga 200.000 € proiektu bakoitzeko izango da.
Gauzatze-epea
2026ko urtarrilaren 1etik aurrera, betiere lankidetza-proiektua ez bada osorik gauzatu laguntza-eskaera aurkeztu aurretik, 2026ko abenduaren 31ra arte urteko proiektuen kasuan, eta 2027ko abenduaren 31ra arte urte anitzeko proiektuen kasuan.
Dirulaguntzaren justifikazioa
Justifikazio-dokumentazioa gauzatze-epea amaitzen den urteko azaroaren 15a baino lehen aurkeztu beharko da.
MINIMIS
Partzialki.
- 1., 2. eta 3. lerroak: Ez (651/2014 eta 2022/2472 EB Erregelamenduen arabera finantzatzen dira).
- 4. eta 5. lerroak: Bai, minimis laguntzei buruzko 2023/2831 (EB) Erregelamenduaren babesean.