Honako toki-erakunde hauek izan daitezke onuradun Euskal Autonomia Erkidegoan:

• Udalak.
• Kontzejuak eta udalerriaren azpiko gainerako toki-erakundeak.
• Mankomunitateak.
• Kuadrillak eta eskualdeak.
• Toki-erakunde autonomoak.
• Toki-erakundeen enpresa-erakunde publikoak.
• Toki-partzuergoak.
• Toki-merkataritza sozietateak.
• Toki-fundazio publikoak.

Diruz lagundu daitezkeen jarduketak

1. lerroa. Klima-aldaketa

• Bero-boladei, lehorteei, uholdeei edo itsas mailaren igoerari lotutako arriskuak prebenitzeko klima-aldaketara egokitzeko neurriak.
• Klima-babeslekuak.
• Naturan Oinarritutako Konponbideak (NOK).
• Hiri-eremuen naturalizazioa eta berdeguneen sustapena.
• Zuhaitz-estaldura handitzea.
• Karbonoa xurgatzeko jarduketak, hustubide naturalen bidez.

2. lerroa. Ondare naturala

• Habitat naturalen kontserbazioa, leheneratzea eta hobekuntza.
• Espezie exotiko inbaditzaileak desagerraraztea.
• Mehatxatutako flora- eta fauna-espezieak kontserbatzea.
• Konektibitate ekologikoa eta azpiegitura berdea hobetzea.
• Eremu degradatuak leheneratzea.
• Ondare geologikoa babestea eta kontserbatzea.

3. lerroa. Asteklima 2026

Klima-aldaketaren aurrean herritarrak sentsibilizatzeko eta mobilizatzeko jarduerak:

• Hitzaldiak eta jardunaldiak.
• Tailerrak eta erakusketak.
• Ipuin-kontalariak.
• Zinema.
• Antzerkia.
• Lehiaketak.
• Bisitaldiak, irteerak eta martxak.
• Ingurumen-sentsibilizazioko bestelako jarduerak.

Diruz lagundu daitezkeen gastuak

Diruz lagungarriak izango dira diruz lagundutako jardueraren izaerari zalantzarik gabe erantzuten dioten, behar-beharrezkoak diren eta proiektuaren gauzatze-epean egiten diren gastuak.

Honako hauek barne hartu ahal izango dira, besteak beste:

• Diruz lagundutako jarduketei lotutako obrak eta inbertsioak.
• Laguntza teknikoak.
• Kanpoko zerbitzuak.
• Deialdian berariaz aurreikusitako azterlanak.
• Materialak eta hornidurak.
• Proiektuari lotutako komunikazio- eta sentsibilizazio-ekintzak.

Ondare naturalaren lerroan lurzoruen erosketa diruz lagundu ahal izango da, tasazio-balioaren %40ko gehieneko mugarekin.

Laguntzen Zenbatekoa

Deialdiaren zuzkidura ekonomiko osoa 4.000.000 eurokoa da, honela banatuta:

• Klima Aldaketaren Lerroa: 2.500.000 €.
• Ondare Naturalaren Lerroa: 1.400.000 €.
• Asteklima 2026 Lerroa: 100.000 €.

Klima Aldaketaren Lerroa

• 7.000 biztanletik gorako erakundeak: diruz lagundu daitezkeen gastuen %80ra arte.
• 7.000 biztanletik beherako erakundeak: diruz lagundu daitezkeen gastuen %95era arte.
• Gehienez 225.000 € proiektu bakoitzeko.
• Gehienez 20.000 € klima-babeslekuetarako eta 5.000 biztanletik beherako udalerri eta eskualdeetan egokitzapen-neurriak planifikatu eta lehenesteko jarduketetarako.

Ondare Naturalaren Lerroa

• 7.000 biztanletik gorako erakundeak: diruz lagundu daitezkeen gastuen %75era arte.
• 7.000 biztanletik beherako erakundeak: diruz lagundu daitezkeen gastuen %95era arte.
• Gehienez 100.000 € proiektu bakoitzeko.

Asteklima 2026 Lerroa

• 7.000 biztanletik gorako erakundeentzat diruz lagundu daitezkeen gastuen %80ra arte.
• 7.000 biztanletik beherako erakundeentzat %95era arte.
• Gehienez 7.000 € udal-eremuko erakunde bakoitzeko.
• Gehienez 10.000 € udalaz gaindiko erakunde bakoitzeko.

Gauzatze Epea

• Diruz lagundutako jarduketak 2026ko urtarrilaren 1etik 2028ko urriaren 31ra bitartean gauzatu beharko dira.
• Asteklima 2026 lerroan, jarduketak Euskadiko Klima eta Energiaren Astearen barruan egin beharko dira.

Justifikazio Epea

• Erakunde onuradunek diruz lagundutako jarduketak 2028ko urriaren 31 baino lehen gauzatu eta justifikatu beharko dituzte.
• Asteklima 2026 lerroan, justifikazio-dokumentazioa deialdiaren ebazpena argitaratu eta hurrengo egunetik hilabeteko epean aurkeztu beharko da.

Intereseko beste xehetasun batzuk

• Klima Aldaketaren eta Ondare Naturalaren lerroak norgehiagoka-erregimenean ematen dira.
• Asteklima 2026 lerroa onartutako eskaeren artean hainbanaketa bidez esleitzen da.
• Ihobe, S.A. sozietate publikoa programaren erakunde laguntzailea izango da.
• Laguntza hauek helburu bererako beste dirulaguntza batzuekin bateragarriak dira, betiere gainfinantzaketarik ez badago.