Agindu honen xedea da Eusko Jaurlaritzak, Lan eta Enplegu Sailaren bitartez, enpresetan langileen parte-hartzea sustatzeko emango dituen laguntzen deialdirako oinarriak onartzea, eta deialdi hori 2022. urterako egitea.
Erakunde onuradunak:
Laguntzak jaso ahal izango dituzte gizarte-ekonomiakoak ez diren enpresek, beren jarduera nagusiki Euskal Autonomia Erkidegoan garatzen dutenek eta Euskal Autonomia Erkidegoko lantokietarako egiten dutenek.
Diruz lagun daitezkeen jarduerak:
Agindu honetan aurreikusitako laguntzak jarduera hauetakoren batek zuzenean eragindako gastuak finantzatzeko diru-laguntzak izango dira:
- Langileek parte hartzeko plan bat egin eta ezartzea, aholkularitza-erakunde baten laguntzarekin eta aholkularitzarekin.
- Langileek enpresetan parte hartzeko ereduak definitzeko tresnak diseinatzea.
- Enpresa partaidetuaren eredua hedatzeko jarduerak.
Diruz lagundu daitezkeen ekintzak abian den urtean hasi beharko dira, eta 2022ko abenduaren 1a baino lehen amaitu.
Laguntzaren zenbatekoa:
Kapitulu honetako kasu guztietarako diru-laguntzaren zenbatekoa estimatutako kostuaren % 75 izango da, Gizarte Ekonomiako Zuzendaritzak onartu eta baliozkotutako aurrekontuaren arabera, hamar mila (10.000) euroko mugarekin.