ENTITATE ONURADUNAK:

Industria-jardueretan, merkataritza-jardueretan edo irabazi-asmoko zein irabazi-asmorik
gabeko zerbitzuak emateko jardueretan aritzen diren zuzenbide pribatuko pertsona juridikoak eta
elkargokide diren profesionalak.

DIRUZ LAGUNDUTAKO JARDUERAK:

• Ikerketa industrialeko jarduerak. Produktu, prozesu edo zerbitzu berriak garatzeko edo lehendik zeudenak asko hobetzeko lagungarri izan daitezkeen ezagutza eta gaitasun berriak eskuratzeko jomuga dute.
• Garapen esperimentaleko jarduerak. Aurretik ere baziren ezagutzak eta teknikak (zientifikoak, teknologikoak, enpresa-arlokoak eta abar) eskuratu, konbinatu, konfiguratu eta erabiltzea, produktu, prozesu edo zerbitzu berri edo hobetuen plan eta egitura edo diseinuak prestatzeari
  begira.

DIRUZ LAGUNDUTAKO PROIEKTUAK:

• 1. lerroa: hiri-mugikortasun berria eta berriztagarrien integrazioa hiri-ingurunean.
• 2. lerroa: birnaturalizazioa eta hiri-azpiegitura berdea.
• 3. lerroa: ekonomia zirkularra eta arkitektura jasangarria hiriak eraikitzeko.

DIRUZ LAGUNDUTAKO GASTUAK:

• Zuzeneko langile-kostuak.
• Zeharkako kostuak.
• Proiektuaren zati batzuk azpikontratatzeko gastuak, entitate onuradunek eurek ezin badituzte
  zati horiek egin konplexuak edo espezializatuak direlako.
• Kontratu-ikerketaren kostuak, ezagutzen eta patenteen kostuak.

LAGUNTZAREN ZENBATEKOA:

Onuradun bakoitzaren laguntzak ezingo du gainditu:

• Diruz lagundu daitezkeen kostuen % 50, ikerketa industrialerako.
• Diruz lagundu daitezkeen kostuen % 25, garapen esperimentalerako.

Laguntzaren zenbatekoak diruz lagundu daitezkeen kostuen % 80raino igo ahalko dira.