Maiatza 2024
Apirilaren 25ean, Basquetourrek antolatuta, “Euskadiko mendi-ibilien turismo-garapenari buruzko I. jardunaldi teknikoa” egin zen.
Basquetourren estrategiaren baitan, mendi-ibilien segmentua naturako produktuaren barruan kokatzen da, ekoturismoarekin eta zikloturismoarekin batera. Euskadi osoa zeharkatzen eta artikulatzen duten ibilbide handiak daude identifikatuta; horietako batzuek osagai historiko handia dute, hala nola Donejakue Bidea edo Ardoaren eta Arrainaren Ibilbidea, eta beste batzuek lurraldeak lotzen dituzte, hala nola itsasertzeko bidexka.
Lea Artibairentzat mendi-ibiliak bere eskaintza turistikoaren produkturik garrantzitsuenetako bat dira. Bidezidor-sare ona izatea, baliabideak ondo ezagutzeko aukerarekin, ondo seinaleztatuta eta mantenduta, zerbitzu-eskaintza onarekin…Horrek guztiak turismo jasangarriaren helburu nagusiak lortzeko balioko dio: eskaria desestazionalizatzea, urte osoan goza daitekeen produktu bat eskainita; mugikortasun iraunkorra sustatzea; eta, batez ere, turisten fluxuak eskualdean eta beste eskualde batzuetan banatzea. Horrela, lankidetza sustatzen da eta baliabideak modu eraginkorragoan kudeatzen dira.
Jardunaldia Zegamako Aizkorri-Aratz parke naturaleko Anduetza parketxean egin zen, eta bi etapatan burutu zen. Aurkezpenen eta ongietorriaren ondoren, azalpen teorikoaren lehen zati bat hasi zen, non Euskadiko mendi-ibilien estrategia jorratu zuten. Horretarako, bi aditu egon ziren, eta helmuga batek segmentuan turismo-eskaintza on bat artikulatzeko behar dituen elementuen inguruan hausnartzeko aukera eman zieten bertaratutakoei.
Jardunaldiaren bigarren zatian talde-dinamika bat egin zuten, AMIA metodologiarekin, bidezidor garrantzitsu bakoitzaren abiapuntuko egoera identifikatzeko. Hortik abiatuta, produktu interesgarri bat eratzeko landu behar diren elementu eta estrategia garrantzitsuenak definitzeko, mendi-ibilien helmuga gisa kokatu ahal izateko. Talde-tailerrek estrategia elkarrekin lantzeko eta garatu beharreko jarduketei lehentasuna emateko balio izan zuten. Produktu honen gakoetako bat helmugako eragileen arteko koordinazioa baita, turistikoak zein bestelakoak.
