![](https://leartibaifundazioa.eus/wp-content/themes/azaro/dist/images/pdf-file_887b5d26.png)
Ebazpen honen xedea da Ekonomiaren Garapeneko eta Azpiegituretako sailburuaren 2017ko urriaren 17ko Aginduan aurreikusitako laguntzen deialdia egitea 2024. ekitaldirako, aurrerakin itzulgarri gisa, krisialdian dauden enpresak berregituratu eta bultzatzeko. Bideratu Berria programa.
Erakunde Onuradunak
Agindu honetan aurreikusitako dirulaguntzak eskuratu ahal izateko, enpresa txiki eta ertainak (ETE), baldin eta ezaugarri hauek betetzen badituzte: erauzketa-, transformazio- eta ekoizpen-enpresa txiki eta ertainak, zerbitzu teknikoetakoak (produktu-prozesuari lotuak), aurrekoekin lotuta daudenak eta informazioaren eta komunikazioen gizartearen esparrukoak, eta krisi-egoeran daudenak.
Diruz Lagun daitezkeen Ekintzak
Industria- eta finantza-izaerako berregituraketa- eta berrabiarazte-neurriak betearaztea sustatuko da. Neurri horiek krisialdian dauden enpresek egindako berregituraketa-planetan sartuko dira, enpresen epe ertain eta luzerako bideragarritasuna berrezartzeko.
Diruz lagunduko dira Dekretuan ezarritako baldintzak betetzen dituzten planetan sartutako neurriak aplikatzearen ondoriozko kostuak.
Berregituraketa-planak baldintza hauek bete behar ditu:
- Planean jasotako neurrien aplikazioak ahalik eta laburrena izan behar du, eta enpresaren bideragarritasuna arrazoizko epe batean berrezartzeko aukera eman behar du, etorkizuneko ustiapen-baldintzei buruzko hipotesi errealistetatik abiatuta.
- Bideragarritasunaren hobekuntzak berregituraketa-planean jasotako barne-neurrien ondorio izan behar du, eta kanpoko faktoreetan oinarritu daiteke, hala nola prezioen igoeran edo enpresak eraginik ez duen eskarian, baldin eta planean sartu behar den merkatu-azterketan merkatuari buruz egindako hipotesiek aintzatespen orokorra badute.
- Kontuan izan behar ditu enpresaren zailtasunek sortu dituzten inguruabarrak, produktu horien merkatuko eskaintzaren eta eskariaren aurreikus daitezkeen egoera eta bilakaera, eta hipotesi baikorrak, ezkorrak eta tartekoak aztertuko dira, enpresaren indarguneak eta ahulguneak kontuan hartuta.
- Enpresan aldaketa bat egitea proposatu behar du, egin ondoren kostu guztiak estaltzeko, amortizazioari eta finantza-kargei dagozkienak barne.
Laguntzaren Ordainketa
Laguntza aldi bakar batean edo bi epe edo gehiagotan ordainduko da, laguntza emateko akordioan aurreikusitako onuradunak egindako ekarpenen arabera.
Araudia: 1705093e.pdf (euskadi.eus)