Diruz lagunduko dira:
- 2025eko ekitaldian enpresa-munduan euskararen erabilera sustatzeko Bizkaiko Lurralde Historikoan egiten diren planak.
- 2025eko ekitaldian Lantokiko Prestakuntza modulua euskaraz egiteko aukera eskaintzeak sortzen dituen gastuak finantzatzea.
- 2025eko ekitaldian ostalaritzako eta merkataritzako establezimenduetan bezeroei aurrez aurre euskaraz arreta emateko materialak eta ekintzak.
Erakunde Onuradunak
Foru dekretu honek arautzen dituen dirulaguntzak jaso ahal izango dituzte merkataritza-sozietateek, kooperatiba-sozietateek (irabazi-asmorik gabeko kooperatiba-sozietateak izan ezik), banakako enpresaburuek eta Bizkaiko Lurralde Historikoko profesionalek, baldin eta egoitza soziala Bizkaiko Lurralde Historikoan badute eta dagokion erregistroan inskribatuta badaude.
Laguntzaren Zenbatekoa
Laguntzen zenbatekoa, gehienez, 4.000 eurokoa izango da eskatzaile bakoitzarentzat.
Dirulaguntzak eskatzeko arrazoi diren proiektuak 2025eko ekitaldian garatu beharko dira, eta eskatzen den gutxieneko autofinantzaketa-maila bete beharko dute, hau da, proiektu bakoitzaren aurrekontu araztuaren % 35.
Ondorioz, dirulaguntza publiko guztiek ezin izango dute gainditu proiektuaren zenbatekoaren % 65, deialdiaren xedearekin zuzenean lotuta ez dauden soberakin ez-konputagarriak eta gastuak garbitu ondoren.
Gauzatze Epea
Jarduera osoa 2025eko ekitaldian egitea.
Justifikatzeko Epea
Laguntzaren justifikazioa 2026ko otsailaren 26a baino lehen aurkeztu beharko da.
Beste Dokumentu Batzuk
Laburpena: I-1335_eus.pdf