Erakunde Onuradunak

Agindu honetan jasotako dirulaguntzen onuradun izan daitezke:

• Enpresak: Enpresa Handiak edo ETEak.
• Enpresa-taldeak eta -elkarteak, legezko forma edozein dutela ere.

Diruz Lagun daitezkeen Jarduerak

• Industria-ikerketako jarduerak: Produktu, prozesu edo zerbitzu berriak garatzeko edo lehendik daudenak nabarmen hobetzeko baliagarriak izan daitezkeen ezagutza eta gaitasun berriak eskuratzera bideratuta daude. TRL4 (Technology Readiness Level) baten baliokidea den heldutasun teknologikoko maila lortzea ahalbidetzen dute.
• Garapen esperimentaleko jarduerak: Lehendik dauden ezagutzak eta teknikak, zientifikoak, teknologikoak, enpresakoak edo bestelakoak, eskuratzea, konbinatzea, konfiguratzea eta erabiltzea, produktu, prozesu edo zerbitzu berri edo hobetuen planak eta egiturak edo diseinuak egiteko. TRL7 (Technology Readiness Level) baten baliokidea den heldutasun teknologikoko maila lortzea ahalbidetzen dute.

Diruz Lagun daitezkeen Gastuak

Diruz lagundu daitezkeen gastutzat hartuko dira honako hauek:

• Langileen zuzeneko kostuak.
• Zeharkako kostuak.
• Kanpo-aholkularitzaren eta zerbitzu baliokideen kostua, eta proiektuaren zati oso espezializatuak azpikontratatzea.
• Zientzia, Teknologia eta Berrikuntzaren Euskal Sareko eragileak azpikontratatzearen kostuak.
• Proiektura esklusiboki bideratutako aholkularitza-kostuak eta zerbitzu baliokideak, kategorien araberako salbuespenen Erregelamendu Orokorraren 25. artikuluaren d) idatz-zatiaren arabera; horien artean sartu ahal izango da dirulaguntzaren justifikazio-kontuaren proiektuaren kostuen auditoria.
• ETEentzako jabetza industrialeko eskubideen kostuak, kategorien araberako salbuespenen Erregelamendu Orokorraren 25. artikuluko 3. paragrafoko d) idatz-zatiaren arabera.
• Ikerketa-jardueraren ondorioz zuzenean hartutako ustiapen-gastuak (hala nola materialen, horniduren eta abarren kostuak).
• Ikerketa-jarduerarako soilik eta etengabe erabiltzen diren tresnen eta ekipoen kostuak.