Agindu honen bidez, norgehiagoka-erregimeneko dirulaguntzak emateko eta kudeatzeko oinarri arautzaileak eta prozedura ezartzen dira, industria-enpresa txiki eta ertainetan produktibitatearen hobekuntza finantzatzeko, besteak beste lanaldia murrizteko neurriak jasotzen dituzten proiektu pilotuen bidez.
ERAKUNDE ONURADUNAK
Enpresa txiki eta ertainen izaera duten sozietateak, nortasun juridiko propioa dutenak, Espainian legez eratuak eta dagokion erregistroan behar bezala inskribatuak, sektore publikokoak ez direnak eta industria-jarduera bat garatzen dutenak.
GASTUAK EGITEKO EPEA
Proiektu pilotuan diruz lagundu daitezkeen gastuak hamabi hilabeteko epean egin beharko dira, dirulaguntza emateko ebazpena eman eta hurrengo egunetik zenbatzen hasita, auditoretza-txostenetik eratorritako gastua izan ezik, hori justifikazio-agiriak aurkezteko emandako epearen barruan egin ahal izango baita.
FINANTZAKETA
Dirulaguntza gisa eman beharreko finantzaketa, gehienez ere, aurrekontu finantzagarriaren ehuneko 90ekoa izango da, aurreko artikuluan ezarritako baldintzekin eta artikulu honetan ezarritako mugekin, eta Europar Batasunaren Funtzionamenduari buruzko Tratatuaren 107. eta 108. artikuluak minimis laguntzei aplikatzeari buruzko Batzordearen 2013ko abenduaren 18ko 1407/2013 (EB) Erregelamenduan ezarritakoarekin bat etorriz. Gehienezko zenbatekoa 200.000 eurokoa izango da.
ESKABIDEAK AURKEZTEKO EPEA
Eskabideak aurkezteko epea dagokion deialdian ezarritakoa izango da, eta gehienez ere bi hilabetekoa izango da deialdiaren laburpena Estatuko Aldizkari Ofizialean argitaratzen denetik.