Programa honen helburua da behar duten industria-enpresei eta produktu-prozesu industrialari lotutako zerbitzuei kanpoko laguntza profesionala ematea, elkarrekin finantza-osasuna lortzea ahalbidetuko dien proiektu bat egin ahal izateko. Horretarako, egoera-diagnostiko bat egingo da, eta, bertan, enpresaren jarraitutasuna eta etorkizuna zaintzeko egin beharreko jarduketak eraikiko dira.
Erakunde onuradunak
Programa honen xede diren dirulaguntzak eskuratu ahal izango dituzte industria-produktuari lotutako industria- eta zerbitzu-enpresak diren pertsona juridikoek, baldin eta 5. artikuluan deskribatutako diruz laguntzeko moduko jarduerak gauzatzeko proiektuak aurkezten badituzte, betiere, horrez gain:
- Euskal Autonomia Erkidegoan jarduera-zentro bat izatea.
- Euskadiko Jarduera Ekonomikoen gaineko Zergaren dagokion epigrafean alta emanda badaude.
Diruz lagundu daitezkeen jarduerak
Diruz lagundu daitezkeen jardueratzat hartuko dira onuradunen proiektuak, beren erakundeetan finantza-osasunari heltzeko xedea dutenak, baldin eta ondoz ondoko aukera ematen badute:
-
Onuradunaren abiapuntuko egoeraren diagnostikoa egitea.
- Ekintza-plan bat egitea abiapuntuko egoeraren diagnostikotik abiatuta, onuradunaren bideragarritasuna bermatzeko eta haren lehiakortasuna sustatzeko beharrezkoak diren ekintzak zehaztu ahal izateko.
- Ekintza-planean jasotako neurri operatiboak eta/edo finantzarioak betearaztea, finantza-osasuna lortzeko, eta, hala badagokio, finantza-pasiboa birfinantzatzea prozesuan parte hartzen duten hartzekodun guztiekin.
Gastu hautagarriak
Gastu hautagarritzat hartuko dira kanpoko enpresek egindako aholkularitza-gastuak, baldintza hauek betetzen badituzte:
- Onuradunaren abiapuntuko Egoeraren Diagnostikoa egiteko gastuak, ikuspegi operatibo eta finantzariotik.
- Ekintza Plan bat egiteko gastuak, gauzatu beharreko ekintza sorta bat barne hartuta; eta
- kintza Planean jasotako neurriak gauzatzeko gastuak, finantza-osasuna lortzeko prozesuan laguntza eta aholkularitza emanez; besteak beste, pasibo finantzarioa berriro negoziatzea.
SPRIn laguntza-eskaera aurkezten denetik aurrera eta proiektua gauzatzeko ezarritako epean zehar sortuak edo fakturatuak. Halaber, 2025eko urtarrilaren 1etik aurrera hasitako proiektuen laguntza-eskaera aurkeztu aurretik sortutako edo fakturatutako gastuak onartuko dira.
Laguntzen zenbatekoa
Deialdi honen xede diren laguntzak gastu hautagarrien % 80aren dirulaguntza bezala egituratuko dira, eta gehienez ere 30.000 euroko dirulaguntza emango da enpresako deialdi honetan.
Gauzatze epea
Proiektuak hasi eta gehienez ere 9 hilabeteko epean gauzatu beharko dira.
Dirulaguntzaren justifikazioa
Likidazio-eskaera proiektua amaitu eta gehienez 2 hilabeteko epean aurkeztu beharko da, eta, nolanahi ere, beranduenez 2026ko irailaren 16an.