Enpresa-proiektu berriak abian jartzea finantzatuko dute laguntza honek; ikerketa-jardueratik abiatuta garatutako teknologiak edo ezagutzak erabiltzea eskatzen dutenak eta negozio-estrategia teknologiaren garapenean oinarritzen dutenak.
ENTITATE ONURADUNAK:
Onuradun izan daitezke deialdi honetarako laguntza-eskabideak aurkezteko epea amaitu aurreko hiru urteetan gehienez eratutako enpresa berritzaile txikiak, baldin eta gutxienez 20.000 euroko kapital soziala edo kapital soziala gehi jaulkipen- edo onarpen-prima badute, osorik ordainduta eta eskabidea aurkeztu aurretik dagokion erregistroan inskribatuta.
DIRUZ LAGUNDUTAKO GASTUAK:
- Ekipoetako inbertsioak
- Langile-gastuak
- Materialak
- Kanpoko kolaborazioak/aholkularitza
- Alokairuak
- Hornidurak
- Kanonak eta lizentziak
- Patenteak eta jabetza industrialeko beste eskubide batzuk eskatzeko eta mantentzeko gastuak
- Aseguruak
- Sustapen- eta hedapen-gastuak
- Prestakuntza-gastuak
- Auditorearen txostenetik eratorritako gastuak.
DIRUZ LAGUNDUTAKO ZENBATEKOA:
Oro har, jarduketaren aurrekontu hautagarriaren % 70 finantzatu ahal izango da, gehienez ere 250.000 euroko dirulaguntza onuradun bakoitzeko.
Gutxienez doktore baten lan-kontratazioa barne hartzen duten jarduketetan, jarduketaren aurrekontu hautagarriaren % 85 finantzatu ahal izango da, gehienez ere 325.000 euroko dirulaguntza onuradun bakoitzeko.
Dirulaguntzaren zenbatekoa 10.000 eurora arte handitu ahal izango da deialdian aurreikusitako prestakuntza eskatu duten jardueretan.
Jarduerak 175.000 euroko gutxieneko aurrekontu finantzagarria izan beharko du, deialdian aurreikusitako prestakuntza-gastuak kontuan hartu gabe.
Diruz lagundu daitezkeen jarduerak 2023an hasi beharko dira, eta 2024ko abenduaren 31n amaitu ahal izango dira.