Erakunde Onuradunak

Laguntzen onuradun izan daitezke enpresak eta enpresa-taldeak (35 langile edo gehiago dituztenak), deialdi honetan jasotako baldintzetan, eta langileek prestakuntza-ekintzetan parte hartu ahal izango dute.

Prestakuntza-Ekintzak

Deialdi honen ondorioetarako, prestakuntza-ekintzatzat hartuko da enpresaren prestakuntza-proiektuan (Prestakuntza Plana) kokatutako irakatsi eta ikasteko prozesua, parte-hartzaile guztientzat berdinak diren helburu, eduki eta iraupen sistematizatuekin.

Oro har, banakako zein taldeko prestakuntza-ekintzek gutxienez 6 orduko iraupena izango dute parte-hartzaile bakoitzeko, eta gehienez 270 ordukoa.

Prestakuntza-ekintzak modu presentzialean, teleprestakuntzan edo mistoan eman beharko dira.

Diruz Lagundu daitezkeen Gastuak

Honako hauek hartzen dira zuzeneko kostutzat, prestakuntza-ekintza bakoitzaren arabera banakatuta:

• Enpresatik kanpoko prestakuntza-zerbitzuak kontratatzeari dagozkion kostuak.
• Barneko prestatzaileen kostua.
• Material suntsikorraren kostua, babes- eta segurtasun-materiala barne.
• Material didaktikoen kostua.
• Prestakuntzan dauden langileen asegurua.
• Amortizazioak, prestakuntza-ekintza bakoitzari egotz dakiokeen proportzioan, eta prestakuntza-ekintzen garapenari egotz dakizkiokeen instalazioen eta ekipamenduen alokairuak.

Laguntzen Ordainketa

Dirulaguntza bi zatitan ordainduko da, eta honela egingo da:

• Lehenengo ordainketa, dirulaguntza osoaren % 50, Lanbide-Euskal Enplegu Zerbitzuak lehen prestakuntza-ekintzaren hasiera-ziurtagiria jasotzen duenean.
• Bigarren ordainketa, dirulaguntzaren gainerakoa, Lanbide-Euskal Enplegu Zerbitzuan justifikazio-memoria aurkeztean eta dagokion azken likidazioa onartzean.

Justifikatzeko Epea

Azken likidazioa egiteko, onuradunak formatu elektronikoan bete beharko du, gehienez ere 2025eko irailaren 15ean.