Sakondu programa bat dator Eusko Jaurlaritzako Ekonomiaren Garapen, Jasangarritasun eta Ingurumen Sailaren helburuekin, XII. legealdiko gobernu programan eta berau garatzen duten plangintza estrategikoko tresnetan jasota daudenekin; nazioartekotze maila handia duten euskal enpresei presentzia txikia duten edo presentziarik ez duten merkatuetan sartzeko laguntza ematea da programaren xedea.
Erakunde Onuradunak
Programa honen onuradun izan daitezke nortasun juridiko propioa duten enpresa txiki eta ertainak (ETEak), baldin eta egoitza edo ekoizpen instalazioak Euskal Autonomia Erkidegoan badituzte eta deialdi hau egin baino lehen eratu badira. Enpresa horien esportazio jarduerak euren fakturazio osoaren % 50 gainditu behar du, eta helburutzat izan behar dute euren lehiakortasun posizioa hobetzea beste merkatu jakin batzuetan, non enpresen fakturazioa ez baita iristen 2022an esportatutako guztizkoaren % 25era.
Aintzatespen eta laguntza berezia jasoko dute enpresa sortuberriek, baldin eta gorabidean diren eta egoitza edo ekoizpen instalazioak Euskal Autonomia Erkidegoan dituzten enpresen ekosistema sustatzeko abenduaren 21eko 28/2022 Legearen 3.
Diruz Lagundu Daitezkeen Gastuak
Sakondu programaren baitan, laguntza jaso dezaketen enpresen ekintzak honela sailkatzen dira:
- Enpresak nazioartekotzeko sustapen eta egokitzapen ekintzak:
- Kanpoko aholkularitza batek proposatutako nazioartekotze estrategia bat lantzea.
- Jabetza industrialarekin eta homologazioekin lotutako gastuak.
- Azokei lotutako gastuak.
- Bidaiak.
- Komunikazio- eta marketin-gastuak.
- Enpresak jomuga herrialdean duen inpaktua aztertzeko iraunkortasun txostenak, kanpoko aholkularitza batek eginak, betiere 2030 Agendaren garapen jasangarrirako helburuak kontuan izanik.
- Eskaera egin den ekitaldian eratutako atzerriko ezarpen produktibo eta/edo komertzialekin lotutako gastuak.
- Talentua: atzerriko operazioak egingo dituzten langileak hautatzea.
2023ko urtarrilaren 1etik abenduaren 31ra bitartean burututako ekintzek jaso dezakete laguntza.