Dirulaguntzaren Onuradunak

Dirulaguntzaren onuradun izango dira helbide soziala eta fiskala eta gutxienez lantoki bat Bizkaian duten enpresak, eta baldintza hauek bete beharko dituzte:

• Gutxienez 5 langile izatea, urteko baliokideak lanaldi osoan.
• Industriaren, eraikuntzaren, garraioen, industriarekin lotutako zerbitzuen, turismoaren eta handizkako merkataritzaren sektoreetan jardutea.

Dirulaguntza Jaso dezakeen Egitatea

Diruz laguntzeko moduko egitatetzat hartuko dira Bizkaiko enpresek lanbide-esperientzia handia duten kualifikazio handiko profesionalekin formalizatutako lan-kontratu mugagabeak, baldin eta kontratatu aurretik EAEtik kanpo jardun badute beren lanbide-jarduera Bizkaiko Lurralde Historikoan egin dezaten.

Diruz Lagun daitezkeen Gastuak

Diruz lagundu daitezkeen gastutzat hartuko dira Bizkaiko enpresek lanbide-esperientzia handia duten kualifikazio handiko profesionalekin formalizatutako lan-kontratu mugagabeak, baldin eta kontratatu aurretik EAEtik kanpo jardun badute.

Eskaera aurkezteko egunean, kontratatutako pertsonek honako baldintza hauek bete behar dituzte:

• Unibertsitateko gradu-titulua edo lizentziatura izatea.
• Lanaldi osoko edo partzialeko lan-kontratua izatea, betiere enpresa eskatzailearekiko lan-harremana 2024ko urtarrilaren 1etik aurrera hasi bada; nolanahi ere, kontratua mugagabea izan beharko da 2025eko ekainaren 30ean.
• Lan-kontratuak urtean gutxienez 40.000 euroko ordainsari gordin finkoa izan behar du.

Gizarte Segurantzan alta ematen den egunean, kontratatutako pertsonek baldintza hauek bete behar dituzte:

• Gutxienez 5 urteko lan-esperientzia izatea egingo duen eta kontratatu duten jardueraren esparruan.
• Lan-jarduera EAEtik kanpo egin izana, gutxienez 36 hilabetez, kontratazio-dataren aurreko azken 48 hilabeteetan.
• Kontratatutako pertsona ez izatea enpresa kontratatzailearen administrazio-organoetako kide edo bazkide.

Kontratatutako pertsonak baldintza hauek bete beharko ditu 2025eko uztailaren 1a baino lehen, eta 2026ko abenduaren 31ra arte bete beharko ditu:

• Dirulaguntzaren xede den lan-kontratu mugagabea behar bezala formalizatuta edukitzea eta indarrean mantentzea.
• Gizarte Segurantzan alta emanda egotea.
• Bizkaian erroldatuta egotea.
• Bizkaiko Foru Aldundiko Ogasun Saileko pertsona fisikoen erroldan alta emanda egotea.
• Bizkaiko lantokira atxikita egotea.

Laguntzen Banakako Zenbatekoa

Ekitaldi bakoitzerako laguntzaren zenbatekoa, 2025 eta 2026, lan-kontratuan finkatutako urteko ordainsari gordinaren % 20 izango da, ekitaldi bakoitzeko 15.000 euroko mugarekin.

Kontratu bakoitzeko dirulaguntza 30.000 eurokoa izango da gehienez.

Gauzatze Epea

Kontratazio mugagabea 2024ko urtarrilaren 1etik 2025eko ekainaren 30era bitartean hasi behar da, eta 2026ko abenduaren 31ra arte egon behar du indarrean.

Justifikatzeko Epea

Dirulaguntzaren erakunde onuradunek bide telematikoz aurkeztu beharko dituzte 26. oinarrian eskatutako txostenak, epe hauetan:

• Tarteko txostena 2026ko ekainaren 1etik 30era bitartean aurkeztuko da.
• Azken txostena 2027ko urtarrilaren 1etik 31ra bitartean aurkeztuko da.

Beste Dokumentu Batzuk

Laburpena: I-74_eus.pdf