Euskal Autonomia Erkidegoan jarduera duten enpresetan (pertsona fisiko edo juridikoak) «Zibersegurtasuneko Gaitasun Digital Profesionalen» Ikanos sistema ezartzeko proiektuak bultzatzera bideratutako espezietan emandako laguntzak emateko baldintzak zehaztea da oinarri hauen xedea, enpresaren lehiakortasuna eta pertsonen garapen profesionala hobetzeko helburuz.
Espezietan emandako programa honetako laguntza enpresa onuradunari aholkularitza espezializatu eta indibidualizatua ematea izango da, diruz lagundutako proiektua gauzatzeko. Laguntza hori «Zibersegurtasuneko Gaitasun Digital Profesionalen» Ikanos sistema ezartzea izango da.
Erakunde Onuradunak
Programa honetan jasotako laguntzak eskuratu ahal izango dituzte EAEn enpresa-jarduerak egiten dituzten pertsona fisiko eta juridikoek, deskribatutako diruz lagun daitezkeen jarduerak egiteko proiektuak aurkezten badituzte.
Hori guztia, baldin eta:
- Euskal Autonomia Erkidegoan enpresa jarduerako zentro bat badute.
- Euskadiko Ekonomia Jardueren Gaineko Zergaren dagokion epigrafean alta emanda badaude.
Diruz Lagundu daitezkeen Jarduerak
Enpresa onuradunak hauetarako jasotako zerbitzuak diruz lagundu ahal izango dira: enpresa onuradunaren langileen artean gehienez ere 27 lagunen gaitasun digitalak diagnostikatzeko eta ebaluatzeko proiektuak, enpresan identifikatutako profil profesionaletan oinarrituta, eta Ikanos ereduaren arabera.
Ez da diruz lagunduko lizitatutako esparru akordioaren bidez SPRIk erositako zerbitzuaz bestelako beste jarduerarik.
Zibersegurtasuneko Gaitasun Digital Profesionalak proiektua ezin izango da hasi emate-ebazpena argitaratu aurretik.
Laguntzen Zenbatekoa
Laguntzak gauzazko dirulaguntza gisa egituratuko dira (minimisen mende).
Honela kalkulatuko da gauzazko laguntzaren zenbatekoa: 300 euro bider enpresa eskatzailearen langile kopurua (enpresak eskaeran proposatutako langileak, diruz lagunduko den proiektua gauzatzen parte hartuko dutenak).
Espezieko laguntzaren gehieneko zenbatekoa 8.100 eurokoa izango da, zergak aintzat hartu gabe. Hau da, enpresa onuraduneko 27 langilek parte har dezakete gehienez diruz lagundutako proiektuan.
Gauzatze Epea
Proiektuak gauzatzeko gehieneko epea 6 hilabetekoa izango da, ebazpen-egunetik zenbatzen hasita. Epe hori beste 6 hilabete luza daiteke, baina edonola ere, 2026ko ekainaren 30a baino lehen.
Justifikazio Epea
Jarduera amaitu eta 90 egun naturaleko gehieneko epearen barnean, erakunde onuradunek proiektua burutu izana justifikatu beharko dute, SPRIren webguneko likidazio-eskaeraren inprimakiak betez.