ENPRESA-IDEIAK GARATZEKO LAGUNTZAK
Leartibai Fundazioak Lanbidek finantzatutako ENPRESA-IDEIAK GARATZEKO LAGUNTZAK programa jarriko du martxan, azaroan, Lea-Artibaiko ekintzaileentzat. Programa honek 2 hilabeteko iraupena izango du eta Leartibai Fundazioaren ikuskaritzapean eta tutoretzapean egingo da.
Programan izena emateko epea azaroaren 10a baino lehen amaituko da.
LAGUNTZA EKONOMIKOA
Enpresa-ideia bat garatzeko laguntza 1.000 €-koa izango da ekintzaile bakoitzeko. Zenbateko hori % 15 areagotuko da 18 urtetik gorakoak eta 30 urtetik beherakoak badira (eskaera aurkezteko unean), eta beste % 15 emakumeak badira.
ONURADUNAK
Ekintzaileak, negozio-ideia bat izanik, berau aztertu eta garatu nahi dutenak.
BETEBEHARRAK
- EAEn erroldatuta egotea eta bizilekua bertan izatea.
- Langabezian egotea eta Lanbiden enplegu-eskatzaile gisa izena emanda egotea.
- Edozein jarduera-eremutan enpresa edo negozio berri bat garatzeko ideia bat izatea.
- Ekonomi Jardueren gaineko Zergan eta Langile Autonomoen Araubide Berezian alta emanda ez egotea.
- Aurreko deialdietan enpresa-ideia bat garatzeko edo enpresa-jarduera berriak abian jartzeko laguntzarik jaso ez izana (Lanbide-Euskal Enplegu Zerbitzuak ekintzaileei laguntzeko kudeatu dituen deialdietan jasota dauden laguntzak).
- Enpresa-ideia aztertzeko eta garatzeko zereginetan dedikazio esklusiboa izatea.
- Xede horretarako beste dirulaguntzarik jaso ez izana.
IZEN-EMATEA
LEARTIBAI FUNDAZIOA
Xemein Etorbidea, 12-A (Makina-Xemein)
Tel. 94 616 91 72
