Foru dekretu honen arabera, diru-laguntza jaso ahal dute arlo hauetako kultura-sustapen eta zabalkundearekin lotura zuzena duten kultur jarduerek:
- Folklorea.
- Arte Eszenikoak: musika, dantza eta antzerkia.
- Ikusizko eta ikus-entzunezko arteak.
- Literatur sustapena.
Erakunde bakoitzak eskabide bakarra aurkeztu ahal izango du, proiektu bakarrarekin.
Erakunde Onuradunak
Foru dekretu honek arautzen dituen dirulaguntzen onuradun izan daitezke Bizkaiko Udalak, bai eta 6.000 biztanletik beherako udalerrietako tokiko erakunde autonomoak ere, eskaera egiten den egunean indarrean dagoen biztanleen azken udal erroldaren arabera.
Diruz Lagun Daitezkeen Gastuak
Diruz lagundu daitezkeen gastutzat hartuko dira diruz lagundutako jardueraren izaerari zalantzarik gabe erantzuten diotenak, behar-beharrezkoak direnak eta ezarritako epean egiten direnak, eta diruz lagundu daitezkeen gastuak eskuratzeko kostua ezin izango da inola ere merkatuko balioa baino handiagoa izan.
Laguntzen Zenbatekoa
Dirulaguntzen gehieneko zenbatekoa proiektuaren aurrekontu osoaren % 70era artekoa izango da, berrikusi eta dagozkion doikuntzak egin ondoren, eta inoiz ez 24.000 eurotik gorakoa.
Gauzatze Epea
Dirulaguntza eskatzeko arrazoi diren proiektuak 2024ko ekitaldian garatu beharko dira.
Justifikatzeko Epea
Erakunde onuradunek 2025eko martxoaren 28ra arte justifikatu ahal izango dute laguntza.
Beste Dokumentu Interesgarri Batzuk
Laburpen Fitxa: Ficha_v2 (eudel.eus)