Foru dekretu honen arabera diruz lagundu daitezkeen jarduerak ingurune digitalean euskararen presentzia sustatzen laguntzen duten proiektuak dira, Ingurune Digitalean Euskara Sustatzeko Euskararen Aholku Batzordearen Batzorde Bereziak horretarako ezartzen dituen gomendioen arabera. Izan ere, Bizkaiko Foru Aldundiak funtsezko jarraibideak hartzen ditu arlo horretan. Horrela, eta zehazki, foru dekretu arautzaile honen bidez, honako proiektu hauek lagunduko dira diruz:

• Euskarazko zerbitzu anitzeko webguneak sortzea, web-partaidetzarako eta komunikaziorako edukiak sortzea, komunitate birtualak sustatzea eta 2025a baino lehen sortutako webguneak eduki eta zerbitzu berriekin hornitzea helburu duten proiektuak.
• Euskaraz dauden gailu mugikorretarako, bideojokoetarako eta ordenagailuetan erabiltzeko produktuetarako aplikazioak, edo, ordenagailu edo gailu mugikor batean erabiltzekoak izan gabe, euskaraz garatutako softwarea behar duten bestelako produktuak.
• Euskarazko euskal kultura-ondareari buruzko informazioa digitalizatzea eta zabaltzea. Euskarazko multimedia-eduki berriak sortzea, euskarri fisiko batean argitaratzeko (CDa, DVDa, etab.) edo horiek zabaltzeko soilik sortutako webgune batean argitaratzeko.
• Euskarazko softwarea garatzeko edo euskara lokalizatzeko proiektuak.