Erakunde onuradunak

Udalak, tokiko edo eskualdeko garapen-agentziak eta Euskal Autonomia Erkidegoko tokiko sektore publikoko beste erakunde batzuk; irabazi-asmorik gabeko erakundeak; merkataritza-ganbera ofizialak; enpresa-erakundeak eta -elkarteak; baldintzak betetzen dituen edozein pertsona fisiko edo juridiko, publiko edo pribatu.

Diruz lagun daitezkeen jarduerak

Diruz lagundu ahal izango dira ibilbide integralen proiektu mota hauek:

• 1. motako proiektua: Lanpostuko prestakuntza-programaren proiektua, produkzio-ingurunean konpetentzia profesionalak eskuratzeko laguntza eta tutoretza, Diru-sarrerak Bermatzeko Errenta jasotzen duten parte-hartzaile etorkinen administrazio-erregularizazioa errazteko laguntza teknikoa barne. Horren amaieran, lan-kontratu bat egin behar da, bizileku- eta lan-baimena eskuratu ahal izateko, salbuespenezko zirkunstantziengatik, gizartean eta lan-munduan errotuta daudelako. Proiektu horrek aktibazio-prozesuak, produkzio-inguruneko kualifikazioa eta kontratazioa uztartu beharko ditu.
• 2. motako proiektua: gizarteratzeko eta laneratzeko ibilbide pertsonalizatuen proiektua, laguntza- eta tutoretza-lanak egitekoa. Horren bidez, jarduerak garatuko dira enpresaren eta hautagaien arteko elkarguneetan, elkarrekin laneratzeko plan pertsonal bat diseinatu ahal izateko. Plan horretan, bi alderdiek konpromisoa hartuko dute beren konpromisoak betetzeko, parte-hartzailearen lan-kontrataziorako beharrezkoa den administrazio-prozesua ebatzi arte. Proiektu honek laneratzeko ibilbide pertsonalizatuak diseinatu eta gauzatu beharko ditu, enplegagarritasun-diagnostiko batean oinarrituta beharrezkoak diren prestakuntza- eta gizarte-baliabideen aktibazioa konbinatuz, enpresaren kontratazio-beharrak asetzea ahalbidetuko duena, pertsonaren errealitatea eta produkzio-ehunarena kontuan hartuta.

Erakunde bakoitzeko ibilbide integralen proiektu bakarra lagunduko da diruz, 1. motakoa edo 2. motakoa.

Dirulaguntzaren zenbatekoa

Merkatuaren prospekziorako eta bitartekaritzarako jarduketengatik, 2. artikuluko 2.1 paragrafoan zehaztutakoengatik, dirulaguntzaren zenbatekoa 2.800 eurokoa izango da lortutako lan-kontratu bakoitzeko, baldin eta 2. artikuluko 2.4 paragrafoan ezarritako baldintzak betetzen baditu eta bizileku- eta lan-baimena lortu ondoren hasi bada. Kontratua lanaldi partzialekoa bada, dirulaguntza proportzioan murriztuko da.

2. artikuluko 2.2 idatz-zatian zehaztutako prestakuntza-prozesua garatzeko jarduerak egiteagatik, prestakuntza-ekintzetarako dirulaguntzaren zenbatekoa 1.150 euro izango da prestakuntza-prozesua hasten duen pertsona bakoitzeko, eta 1.500 euro prestakuntza-prozesua amaitzen duen edo lan-kontratazioa hasi aurretik uzten duen pertsona bakoitzeko.

Dirulaguntzaren ordainketa

Ibilbide integralen proiektuak egiteko emandako dirulaguntza bi ordainketatan ordainduko da, horiek eskatu ondoren, honela:

• Lehenengo ordainketa, onartutako dirulaguntza osoaren % 66koa, 1. motako proiektuko lehen prestakuntza-ekintza edo 2. motako proiektuan gizarteratzeko eta laneratzeko ibilbide pertsonalizatua hasi ondoren.
• Bigarren ordainketa, guztizkoaren gainerako % 34ra artekoa, 2026ko konpromiso-kredituaren kargura, dirulaguntzak aurreikusitako baldintzetan justifikatu eta egiaztatu ondoren.

Aurkezpen Epea

Dirulaguntzen eskabideak aurkezteko epeak honako hauek izango dira:

• Ibilbide integralen proiektuei dagokienez, epea 2025eko apirilaren 25ean hasi eta 2025eko maiatzaren 30ean amaituko da.
• Egindako lan-kontratuen kasuan, epea bi hilabetekoa izango da zerbitzuak ematen hasten denetik (Gizarte Segurantzan alta emandako eguna), bizileku- eta lan-baimena lortu ondoren.

Gauzatze Epea

1. motako proiektuetako prestakuntza-prozesua eta 2. motako proiektuetako ibilbide pertsonalizatuaren lehen fasea 2025. urtean hasi beharko dira, dirulaguntza emateko ebazpena jakinarazi ondoren, eta, gehienez, 2026ko apirilaren 30ean amaitu beharko da.

Lan-kontratua bizileku- eta lan-baimenaren ondoren hasi beharko da, eta hasteko azken eguna 2026ko maiatzaren 4a izango da.

Justifikazio Epea

Ibilbide integralen eta jarduketen proiektuaren justifikazioa hilabeteko epean aurkeztu beharko da, azken lan-kontratua benetan hasten den egunetik zenbatzen hasita.

Beste Dokumentu Batzuk

Laburpen Fitxa: Ficha_v2