Erakunde onuradunak

• EAEko toki-erakundeak.
• EAEko toki-erakunde autonomoak.
• EAEko Tokiko Merkataritza Sozietateak.

Diruz lagun daitezkeen jarduerak

Deialdiaren xede diren dirulaguntza lerroetako batean ere ez zaio dirulaguntza bat baino gehiago emango eskatzaile berari.

1. lerrorako: kontratatutako immigrazio-teknikariek honako eginkizun hauek bete beharko dituzte:

• Immigrazioaren eta kulturarteko bizikidetzaren arloko euskal politika diseinatzen, gauzatzen eta ebaluatzen laguntzea.
• Etorkinen Harrera eta Integraziorako Zuzendaritzak edo EAEko toki-erakundeek, tokiko erakunde autonomoek eta tokiko merkataritza-sozietateek sustatutako kontrasterako eta sareko lanerako guneetan parte hartzea.
• Etorkinak Hartzeko eta Gizarteratzeko Zuzendaritzarekin haren mendeko zerbitzuak koordinatzea, Ongizate, Gazteria eta Erronka Demografikoko Sailak immigrazioaren eta kulturarteko bizikidetzaren arloan sustatu eta zuzendutako politika eta estrategia guztietan.

2. lerrorako: Ildo honen xedea da jarduerak finantzatzea herritarren eskubide eta betebeharren, tratu-berdintasunaren eta diskriminaziorik ezaren sustapenaren, diferentziarako eskubidea aitortzearen sustapenaren, trukerako eta elkarrekintza positiborako guneak sortzearen, etorkinen gizarteratzearen, harrera- eta bizikidetza-planen eta, oro har, herritartasunaren, kulturartekotasunaren eta immigrazioaren eremuekin lotutako jardueren esparruan, Herritartasunaren, Immigrazioaren eta Asiloaren 2022-2025eko Kulturarteko VI. Planaren printzipio gidarien arabera garatzen badira.

Laguntzen zenbatekoa

1. lerrorako: 2025eko ekitaldirako dirulaguntzen lerro honetara 480.000,00 euro bideratuko dira, eta immigrazioko teknikarien 16 kontratu finantzatuko dira gehienez EAEko toki-erakundeetan, tokiko erakunde autonomoetan eta tokiko merkataritza-sozietateetan.

2. lerrorako:

• Dirulaguntzen lerro honetara 850.000,00 euro bideratuko dira 2025eko ekitaldirako.
• Diruz lagundutako EAEko toki-erakundeek, tokiko erakunde autonomoek eta tokiko merkataritza-sozietateek, gutxienez, dirulaguntza honen xede den aurrekontu osoaren % 25 finantzatu beharko dute.
• Etorkinak Hartzeko eta Gizarteratzeko Zuzendaritzak eskabide bakoitzean aurkeztutako jardueretarako onartutako aurrekontu osoaren % 75 finantzatu ahal izango du, gainfinantzaketarik ez badago.
• Erakunde onuradun bakoitzari emandako dirulaguntza ez da inoiz 40.000 eurotik gorakoa izango.

Dirulaguntzaren ordainketa

Laguntzak zatika ordainduko dira, bai jarduerak garatzeko, bai langileak kontratatzeko, eta % 70 ordainduko da, berariaz uko egin gabe, diruz lagundutako ekintzen % 70 gutxienez gauzatu eta dagokion gastua egiaztatu ondoren. Justifikazio hori 2025eko abenduaren 31 baino lehen egin beharko da.

Gainerako % 30a 2026ko ekitaldian ordainduko da, justifikatu gabe dauden gainerako ekintzak 2026ko martxoaren 31 baino lehen justifikatu ondoren.

Urte anitzeko laguntza denez, ez da inola ere ordainduko 2026ko urtarrilaren 1a baino lehen emandako laguntzaren % 100.

Gauzatze Epea

Kontratatutako langileen jarduna gauzatzeko edo jarduerak garatzeko epea 2025eko ekitaldia da.

Justifikatzeko epea

Erakunde onuradunek 2025eko abenduaren 31 baino lehen justifikatu beharko dute diruz lagundutako ekintzen % 70ari dagokion gastua, eta gainerako % 30a 2026ko martxoaren 31 baino lehen justifikatu beharko da.