Erakunde onuradunak

Beren jarduera nagusiki Euskal Autonomia Erkidegoan garatzen duten erakundeek eskuratu ahal izango dituzte agindu honetan aurreikusitako laguntzak, baldintza hauetan:

• Kooperatibak eta lan-sozietateak.
• Gizarte Ekonomiako enpresen elkarteak.

Diruz lagundu daitezkeen jarduerak

Agindu honetan aurreikusitako laguntzak jarduera hauetakoren batetik zuzenean eratorritako gastuak finantzatzeko dirulaguntzatzat hartuko dira:

• Urteko kudeaketa-plana edo aginte-taula integrala egitea eta ezartzea, enpresaren egitura ekonomiko-finantzarioa barne hartuta.
• Berariazko aholkularitza kooperatiben eta lan-sozietateen merkataritza-kudeaketan.
• Gerentziari laguntzeko zerbitzu espezializatuak kontratatzea, gerentzia- edo zuzendaritza-eginkizunak betetzeko.
• Zailtasunak dituzten enpresak suspertzeko plantzat hartzen diren ekintzak egitea, enpresaren lehiakortasuna eta, hala badagokio, finantzaketa lortzeko aukera hobetzeko gomendio zehatzak barne.
• Erakundeak antolaketa-eredu malguagoetara, kontziliazio-sistemetara eta pertsonak garatzeko sistemetara eraldatzeko tresna berriak ezartzea gizarte-ekonomiako erakundeetan.
• Enpresak digitalizatzeko tresnak ezartzea.
• Ingurumen-arloko hobekuntza-ekintzak ezartzea, enpresen jarduerak ingurumenean duen eragin negatiboa murrizteko.
• Gizarte-ekonomiaren ordezkari diren erakunde gorenek beren erakunde elkartuei bermeak emateko beharrezkoa den aldez aurreko azterketa ekonomiko eta finantzarioa egitea.
• Gizarte-ekonomiako enpresak sortzeko eta eraldatzeko pizgarriak kentzen dituzten oztopo juridikoak aztertzea.

Dirulaguntzaren ordainketa

Dirulaguntzak zatika ordainduko dira: % 60 2025eko aurrekontu-ekitaldiaren kontura eta gainerako % 40a 2026ko ekitaldiaren kontura.

Aholkularitza-erakundeak

Aholkularitza-erakundeek baldintza hauek bete beharko dituzte:

• Jarduera, batez ere, Euskal Autonomia Erkidegoan egitea.
• Enpresa-aholkularitzan zentratuta egotea.
• Goi-mailako tituludunak izatea Euskadiko lantokietan, esperientzia egiaztatua dutenak, bereziki gizarte-ekonomiako enpresetan.
• Lanaren ardura duen aholkulariak gutxienez hiru urte eman beharko ditu aholkularitza-enpresan.
• Aholkulariek eta/edo aholkularitza-enpresek ezin izango dute loturarik izan, ez akzio-loturarik, ez partaidetza-loturarik, ez zuzenean ez zeharka, laguntzak eskatzen dituzten erakundeekin.

Gauzatzeko epea

Ekintzak 2025. urtean hasi beharko dira eta, gehienez ere, 2026ko lehen hiruhilekoan amaituta egon beharko dute.

Justifikatzeko epea

Justifikazio-agiriak aurkezteko epea 3 hilabetekoa izango da, diruz lagundutako ekintzak amaitzen direnetik zenbatzen hasita, eta, nolanahi ere, 2026ko ekainaren 30a baino lehen.