Erakunde onuradunak

Agindu honetan jasotako dirulaguntzen onuradun izan daitezke:

• Enpresak: enpresa handiak edo ETEak.
• Enpresa-taldeak eta -elkarteak.

Diruz lagun daitezkeen proiektuen tipologia

Proiektu eraldatzaileak

• Mugarri espezifikoak dituzte, argi zehaztutako helburuak, metodologia operatibo zehatzak eta aldez aurretik identifikatutako eragileak dituztenak. Proiektu horiek ez dira ekintza sektorial edo esku-hartze puntual hutsak.
• Proiektu eraldatzaile batek dirulaguntza jaso ahal izateko, gutxienez 20.000.000 euroko aurrekontua eta gehienez hiru urteko iraupena aurkeztu beharko ditu.

Proiektu estrategikoak

• Diruz lagundu daitezkeen proiektu horietarako jarduera-arlo zientifiko-teknologiko estrategikoak, gehienbat, Euskadi 2030 Industrian ezarritako lehentasunen barruan egongo dira, Irabazi sektoreak indartzeko edo HAZI sektoreak eta beren merkatuan lidergo-potentziala duten beste sektore batzuetako enpresak bultzatzeko proiektuen barruan.
• Proiektu batek dirulaguntza jaso ahal izateko, 4.000.000 euroko aurrekontua aurkeztu beharko du, gutxienez, eta hiru urtekoa, gehienez.

Proiektu lehiakorrak

• Diruz lagundu daitezkeen proiektu horietarako jarduera-arlo zientifiko-teknologikoak Euskadi 2030 Industria Planaren esparruen barruan egon beharko dira, Irabazi sektoreak indartzen dituzten edo Hazi sektoreak bultzatzen dituzten proiektuen barruan, eta beren merkatuan lidergo-potentziala duten beste sektore batzuetako enpresen proiektuak ere babestu beharko dituzte.
• Proiektu batek dirulaguntza jaso ahal izateko, 100.000 euroko aurrekontua aurkeztu beharko du urteko, gutxienez, eta lankidetza-proiektua bada, 50.000 euroko aurrekontua, gutxienez, enpresa parte-hartzaile bakoitzeko.

Diruz lagundu daitezkeen gastuak

• Langileen zuzeneko kostuak (ikertzaileak, teknikariak eta erakunde eskatzailearen plantillako beste langile laguntzaile batzuk).
• Zeharkako kostuak.
• Kanpo-aholkularitzaren eta zerbitzu baliokideen kostua, eta proiektuaren zati oso espezializatuak azpikontratatzea.
• Zientzia, Teknologia eta Berrikuntzaren Euskal Sareko eragileak azpikontratatzearen kostuak.
• Proiektura soilik bideratutako aholkularitza-kostuak eta zerbitzu baliokideak.
• Jabetza industrialeko eskubideen kostuak.
• Ustiapen-gastuak (hala nola materialen, horniduren eta abarren kostuak).
• Ikerketa-jarduerarako soilik eta etengabe erabiltzen diren tresnen eta ekipoen kostuak.
• Saiakuntza- eta esperimentazio-azpiegiturak eskuratzearen kostuak, barne direla lursailak eta eraikuntza-ondasunak, instalazio teknikoak, makineria, lanabesak, beste instalazio eta altzari batzuk, informazio-prozesuetarako ekipoak, garraiorako elementuak eta bestelako ibilgetu materiala, izaera eraldatzailea duten proiektuen kasuan bakarrik.

Laguntzen banakako zenbatekoa

Nolanahi ere, dirulaguntzaren gehieneko zenbatekoa 500.000 eurokoa izango da erakunde onuradun bakoitzeko eta urte bakoitzeko, izaera lehiakorreko proiektuetarako.

Proiektu eraldatzaileetarako:

• Ikerketa industrialeko proiektuetarako: diruz lagundu daitezkeen kostuen % 50 arte.
• Garapen esperimentaleko proiektuetarako: diruz lagundu daitezkeen kostuen % 25 arte.
• Saiakuntza- eta esperimentazio-azpiegiturak erosteko. Diruz lagundu daitezkeen kostuen % 25eraino.

Proiektu estrategikoetarako:

• Osagai eraldatzaile handia duten industria-ikerketako proiektuetarako: diruz lagundu daitezkeen kostuen % 50 arte.
• Ikerketa industrialeko proiektuetarako: diruz lagundu daitezkeen kostuen % 40 arte.
• Garapen esperimentaleko proiektuetarako: diruz lagundu daitezkeen kostuen % 25 arte.

Proiektu lehiakorretarako:

• Osagai eraldatzaile handia duten industria-ikerketako proiektuetarako: diruz lagundu daitezkeen kostuen % 40 arte.
• Ikerketa industrialeko proiektuetarako: diruz lagundu daitezkeen kostuen % 30 arte.
• Garapen esperimentaleko proiektuetarako: diruz lagundu daitezkeen kostuen % 25 arte.

Laguntza ordaintzea

Dirulaguntza zuzenean ordainduko zaie erakunde onuradunei, honela:

Proiektu eraldatzaileen kasuan, lehenengo urteari dagokion dirulaguntzaren % 100 ebazpena jakinarazi ondoren ordainduko da. Hurrengo bi urteetako aurrerakinen % 100 ordaindu ahal izateko, aldez aurretik jarduera egin izana agiri bidez egiaztatu beharko da.

Proiektu estrategikoen kasuan, lehenengo urteari dagokion dirulaguntzaren % 50 ebazpena jakinarazi ondoren ordainduko da. Lehenengo urteko gainerako dirulaguntza eta hurrengo urtekoak ordaindu ahal izateko, aldez aurretik agiri bidez justifikatu beharko dira.

Proiektu lehiakorren kasuan, emandako dirulaguntzaren % 70, ebazpena jakinarazi ondoren. Dirulaguntzaren gainerako % 30a ordaintzeko, aldez aurretik dagokion jarduera egin dela egiaztatu beharko da agiri bidez.

Justifikatzeko epea

Azken justifikazioa 2029ko ekitaldiko lehen hiruhilekoan egingo da.