Erakunde onuradunak

Deialdi honetan araututako dirulaguntzen onuradun izan daitezke pertsona fisiko edo juridikoak, banako enpresaburuak, ondasun-erkidegoak eta sozietate zibilak, bai eta bertan ezarritako baldintzetan txanda-kontratuak egiten dituzten elkarte eta fundazioak ere.

Diruz lagundu daitezkeen jarduerak

Diruz lagunduko dira lanaldi osoko eta mugagabeko txanda-kontratuak, edo iraupen jakinekoak, baldin eta, kasu horretan, kontratua amaitzean edo lehenago mugagabe bihurtzeko konpromisoa jasota badago.

Dirulaguntza jaso ahal izateko, errelebista gisa kontratatutako pertsonak jaso beharreko urteko ordainsari gordinak indarrean dagoen Lanbide arteko Gutxieneko Soldata (LGS) izan behar du gutxienez.

Txanda-kontratuak baldintza hauek betetzen dituzten pertsonekin sinatu behar dira:

• 30 urtetik beherakoak edo 45 urtetik gorakoak izatea.
• Honako egoera hauetakoren batean egotea:
  • Kontratua hasi aurreko egunean langabezian egotea.
  • Enpresarekin iraupen jakineko kontratu bat hitzartuta izatea.

Dirulaguntzen zenbatekoa

Txanda-hartzailearen kontratazioa, 4. artikuluan araututakoaren arabera, 8.400 euroko dirulaguntzarekin egingo da. Kopuru hori % 10 igoko da erreleboa hartzen duen pertsona emakumea bada.

Ordaintzeko modua

Deialdi honen babesean emandako dirulaguntzak honela ordainduko dira:

• % 60, eskaera baiesten den unean.
• Gainerako % 40a dirulaguntza eman zenetik urtebete igaro ondoren ordainduko da.

Aurkezteko epea

Dirulaguntzen eskabideak aurkezteko epea honako hau izango da:

• Deialdi hau EHAAn argitaratu aurretik hasitako kontratuak: hiru hilabete, argitaratu eta hurrengo egunetik aurrera.
• Deialdia EHAAn argitaratu ondoren edo egun berean hasitako kontratuak: hiru hilabete, txanda-kontratua hasten den egunetik zenbatzen hasita.

Edonola ere, eskabideak aurkezteko azken eguna 2026ko urriaren 20a izango da.

Justifikatzeko epea

Dirulaguntza urtebeteko epean justifikatuko da, ematen den egunetik zenbatzen hasita.

Beste dokumentu interesgarri batzuk

Akatsen zuzenketa: 2602557e.pdf