Gauzatze Epea

Diruz lagundutako jarduerak edo proiektuak 2024ko urtarrilaren 1etik 2026ko abenduaren 31ra bitartean hasi eta amaitu beharko dira (4 arloetarako).

Justifikazio Epea

Onuradunek organo instrukzio-egileari aurkeztu beharko diote dirulaguntzaren baldintzak bete izanaren azken justifikazioa, 2027ko urtarrilaren 31 baino lehen (4 arloetarako).

1. ARLOA: ENPRESA-PROIEKTU BERRITZAILEEN GARAPENA

Dirulaguntzaren onuradunak

• Enpresa berritzaile berriak sustatzen dituzten pertsona fisikoak.
• Enpresa berritzaile berriak, EJZn alta eman gabeak edo lehen alta-data 2023ko urtarrilaren 1a edo geroagokoa dutenak.
• Eskabideak aurkezteko epea amaitzen den egunean gutxienez 5 lanpostu dituzten enpresak, enpresa berritzaile berrien sustatzaileak.
• Dauden enpresak, eskabideak aurkezteko epea amaitzen den egunean gutxienez 5 lanpostu dituztenak, negozio-unitate berrien sustatzaileak, barne-ekintzailetzako proiektu berritzaileen emaitza direnak.

Dirulaguntza jaso dezakeen egitatea

Diruz lagundu daitekeen egitatetzat hartuko da enpresa berritzaile berria edo negozio-unitate berria sortzeko proiektua garatzea eta definitzea barne-ekintzailetzako proiektu berritzaileetan.

Diruz lagundu daitezkeen gastuak

• Bideragarritasun- eta merkatu-azterketak, marketin-azterketak eta txosten teknikoak.
• Produktuaren edo zerbitzuaren kontzeptua, ezaugarriak eta oinarrizko funtzionaltasunak garatzea.
• Proiektua garatzeko kanpo-aholkularitza.
• Jabetza intelektuala edo industriala, erregistroak, ziurtagiriak eta homologazioak babestea.
• Proiektua garatzeko bidaiak eta azoketara joatea.
• Enpresa berritzaile berrien kasuan, negozio-lokal baten errentamendua Bizkaian.

Laguntzen banakako zenbatekoa

Laguntzen zenbatekoa espediente bakoitzak lortzen duen puntuazioaren araberakoa izango da. Dirulaguntza gastuaren % 80tik % 100era bitartekoa izan daiteke, gehienez 30.000,00 eurokoa % 80rako eta 60.000,00 eurokoa % 100erako.

2. ARLOA: ENPRESA BERRITZAILE BERRIAK

Dirulaguntzaren onuradunak

Enpresa berritzaile berriek jaso ahal izango dituzte dirulaguntzak, baldin eta gutxienez lanaldi oso baliokideko 2 enplegu badituzte Bizkaiko produkzio-zentroari atxikita eta lana Bizkaian egiten badute.

Dirulaguntza jaso dezakeen egitatea

Diruz lagundu daitekeen egitatetzat hartuko da enpresa berritzaile berriak sortzea.

Diruz lagundu daitezkeen gastuak

• Enpresa berria eratzeagatiko prima.
• Enpresa berria eratzea eta abiaraztea.
• Bidaiak eta azoketara joatea.
• Jabetza intelektuala edo industriala, erregistroak, ziurtagiriak eta homologazioak babestea.
• Bizkaian negozio-lokal bat alokatzea.
• Teknologoa edo negozioaren garatzailea kontratatzea.

Laguntzen banakako zenbatekoa

Eskabideak aurkezteko epea amaitzen den egunean eskrituratutako eta dirutan ordaindutako kapital sozialaren % 50, gehienez ere 15.000,00 euro enpresa bakoitzeko.

Laguntzen zenbatekoa espediente bakoitzak lortzen duen puntuazioaren araberakoa izango da. Dirulaguntzak gastuaren % 60, gutxienez, eta % 80, gehienez; 20.000,00 euro, gehienez, % 60rako, eta 50.000,00 euro, % 80rako.

3. ARLOA: EKINTZAILETZAREN EKOSISTEMA DINAMIZATZEA

Dirulaguntzaren onuradunak

Enpresa liderrek jaso ahal izango dituzte dirulaguntzen onuradun, baldin eta Bizkaiko ekoizpen-zentroari atxikitako lanaldi oso baliokideko enplegu bat badute gutxienez, eta lana Bizkaian egiten badute.

Dirulaguntza jaso dezakeen egitatea

Honako hauek hartuko dira diruz laguntzeko moduko egitatetzat:

• Lankidetzazko berrikuntza-plan bat garatzea. Plan honen helburua da enpresa liderrek berrikuntzaren arloan dituzten beharrak eta erronkak bete ahal izatea, startupekin eta Bizkaiko ekintzailetza-ekosistemarekin lankidetzan arituz.
• Bizkaian startupak dinamizatzeko programa bat garatzea. Programa hori enpresa liderrak bultzatuko du, eta bere ildo estrategikoen eta jardueraren lehentasunezko sektore-eremuetan zentratuko da.

Diruz lagundu daitezkeen gastuak

• Lankidetza-berrikuntzako plana garatzeko kanpo-aholkularitzako gastuak.
• Startupak dinamizatzeko programa bat diseinatu, garatu eta ezartzeko kanpo-aholkularitzako gastuak.

Laguntzen banakako zenbatekoa

Diruz lagundu daitezkeen egitateek honako laguntza hau jasoko dute:

• Lankidetzazko berrikuntza-plan bat garatzeko, diruz lagun daitekeen gastuaren % 80, gehienez ere 20.000,00 euro enpresa bakoitzeko.
• Startupak dinamizatzeko programa bat garatzeko, diruz lagun daitekeen gastuaren % 50, gehienez ere 100.000,00 euro enpresa bakoitzeko.

4. ARLOA: AZELERAZIOA

Dirulaguntzaren onuradunak

Dirulaguntzen onuradun izan daitezke honako hauek dituzten pertsona juridikoak:

• 30.000,00 euroko edo hortik gorako kapital soziala,
• Gutxienez 4 lanpostu lanaldi osoan, eskaera aurkezten den dataren baliokidea, eta
• 150.000,00 euroko edo gehiagoko fakturazio-zifra 2023ko ekitaldian.

Dirulaguntza jaso dezakeen egitatea

Diruz lagundu daitekeen egitatetzat hartuko da enpresak bizkortzeko proiektuak garatzea, baldin eta honako hauek badira:

• Dagoen negozioaren eskalagarritasuna merkatu berrietara,
• Fakturazioa, enplegua eta
• Lehiakortasuna handitzea. 

Diruz lagundu daitezkeen gastuak

Diruz lagundu daitezkeen gastutzat hartuko dira azelerazio-proiektua garatzeko kanpo-aholkularitzako gastuak, baldin eta, indarrean dagoen araudiaren arabera behar bezala justifikatuta, beharrezkoak badira eta proiektuaren izaerari eta garapen normalari erantzuten badiote.

Laguntzen banakako zenbatekoa

Diruz lagundu daitekeen egitateak diruz lagundu daitekeen gastuaren % 80ko laguntza izango du, eta ez da inoiz 20.000,00 eurotik gorakoa izango.

BESTE DOKUMENTU BATZUK

Bigarren deialdia: I-587_eus.pdf

1. Arearen Laburpena: I-610_eus.pdf

2. Arearen Laburpena: I-606_eus.pdf

3. Arearen Laburpena: I-609_eus.pdf

4. Arearen Laburpena: I-608_eus.pdf