Dirulaguntzaren onuradunak

Bizkaiko ETEak, 5-100 langileko plantillarekin, industriaren, eraikuntzaren, garraioaren, industriarekin lotutako zerbitzuen, turismoaren eta handizkako merkataritzaren sektoreetan.

Dirulaguntza jaso dezakeen egitatea

Diruz laguntzeko moduko egitatetzat hartuko dira enpresa herrialde berri batean sartzea helburu duten proiektuak. Proiektuek helmugako herrialdean zein urrunetik garatutako jarduerak jaso ahal izango dituzte, eta salmenta-kanal fisikoak zein digitalak sustatzera bideratu ahal izango dira.

Diruz lagundu daitezkeen gastuak

Kostu hauek jaso dezakete dirulaguntza, adierazitako kategorietan:

• Langileen barne-gastuak. Diruz lagundu daitekeen gehieneko gastua: 15.000 euro.
• Kanpo-merkataritzan espezializatutako teknikarien kontratazio berria. Diruz lagundu daitekeen gehieneko gastua: 25.000 euro.
• Bidaia- eta ostatu-gastuak. Diruz lagundu daitekeen gehieneko gastua: 20.000 euro.
• Proiektuari zuzenean lotutako kanpo-gastuak:
  • Enpresako langileak nazioartekotzearen arloan prestatzeko gastuak. Diruz lagundu daitekeen gehieneko gastua: 3.000 euro.
  • Nazioartekotze Plana egitea. Diruz lagundu daitekeen gehieneko gastua: 10.000 euro.
  • Proiektuaren herrialdeko edo beste edozein herrialdetako merkataritza-azoketan parte hartzearen kostuak, azken kasu horretan, sektorean nazioartean ospe handia duten azokak direnean eta enpresa herrialde berrian sartzeko funtsezkoak direnean. Diruz lagundu daitekeen gehieneko gastua: 50.000 euro (gehienez 12.000 azoka bakoitzeko).
  • Proiektua egiteko behar den kanpo-aholkularitza. Horren barruan sartzen dira, besteak beste, produktu berri bat edo merkatu berri batean lehendik dagoen produktu bat merkaturatzeko behar diren aholkularitza- edo profesional-zerbitzuak; honako arlo hauetako azterlanak: sarrera-estrategia, herrialdea hautatzea, fiskalitatea, merkatu-ikerketa, bideragarritasuna, homologazioak eta ziurtagiriak, lege-betekizunak, itzulpenak, posizionamendu digitala, merkataritza elektronikoaren egokitzapenak, ordainbideak, etab. Diruz lagun daitekeen gehieneko gastua: 30.000 euro.
  • Sustapena, marketina eta publizitatea, edozein bitartekoren bidez; atal honetan, marketin fisikoko edo digitaleko edozein jarduera sartzen da. Diruz lagundu daitekeen gehieneko gastua: 30.000 euro.

Laguntzen banakako zenbatekoa

Dirulaguntzaren ehunekoa lortutako puntuazioaren araberakoa izango da:

• Lortutako puntuazioa 100etik 60ra bitartekoa bada: dirulaguntzaren % 50.
• Lortutako puntuazioa 60tik 35era bitartekoa bada: % 40ko dirulaguntza.
• Lortutako puntuazioa 35 baino txikiagoa bada: dirulaguntzaren % 0.

Lagundutako proiektu bakoitzean gehienez 50.000 euroko laguntzak emango dira.

Erakunde eskatzaile bakoitzak gehienez 80.000 euroko laguntzak emango ditu.

6.000 eurotik beherako laguntzarik ez da emango.

Erakunde eskatzaile bakoitzak bi (2) laguntza-eskaera aurkeztu ahal izango ditu.

Gauzatzeko epea

2025eko urtarrilaren 1etik 2027ko abenduaren 31ra.

Justifikatzeko epea

Bi (2) hilabeteko epea, diruz lagundutako jarduera edo proiektua egiteko gehieneko epea amaitzen denetik kontatzen hasita, 2028/02/28a gehienez ere.

Dokumentazio gehigarria

Oinarri arautzaileen laburpena eta 2026ko deialdia: I-73_eus.pdf