Pertsona Onuradunak

Agindu honetan aurreikusitako laguntzak honako erakunde eta pertsona hauek jaso ahal izango dituzte, betiere beren jarduera nagusiki Euskal Autonomia Erkidegoan garatzen badute:

• Kooperatiba-sozietate edo lan-sozietate forma duten gizarte-ekonomiako enpresak.
• Gizarte-ekonomiako enpresen eta erakundeen elkarteak eta elkarte-egiturak.
• Gizarte-ekonomiako enpresa-lankidetzarako egiturak eta gizarte-ekonomiako enpresek osatutako erakundeak.
• Gizarte-ekonomiako enpresak batzeko prozesuan xurgatzen diren erakundeetako bazkideak.

Diruz lagun daitezkeen jarduerak

Agindu honetan aurreikusitako laguntzak dirulaguntzatzat hartuko dira, eta horien gastuak honako jarduera hauek finantzatzera bideratuko dira:

1. Lankidetza-proiektu bat egitea eta ezartzea.
2. Elkartekideen arteko estrategia bateratuak diseinatzea, jarduerak berritzeko edo dibertsifikatzeko; sinergietatik, eskala-ekonomietatik eta lotutako arloetako aukeretatik eratorriak
3. Akordioak egitea eta formalizatzea, eta enpresak edo enpresen arteko lankidetzarako egiturak sortzea.
4. Gizarte-ekonomiako enpresen bat-egitea prestatzea eta formalizatzea.
5. Gizarte-ekonomiako enpresen bat-egiteen kasuan, xurgatutako sozietateko bazkideek sozietate xurgatzailearen kapital sozialerako ekarpen berriak harpidetzea.
6. Euskadin gizarte-ekonomia ordezkatzen duten erakunde gorenek elkartekideentzat egindako lankidetzako jarduerak.
7. Lankidetzako jarduerak, familia guztiek partekatzen dituzten erronkak identifikatzeko eta gizarte-ekonomiako familiek gizartean duten eragin positiboa ezagutarazteko mezuen hedapena programatzeko.
8. Gizarte-ekonomiako enpresek edo erakundeek kontratazio publikoaren esparru guztietan parte har dezaten errazteko neurriak aplikatzea.

Dirulaguntzen zenbatekoa

• 2.1.a), 2.1.b), 2.1.f) eta 2.1.h) oinarriko jarduerak: jardueraren kostuaren % 50, 12.000 euroko mugarekin erakunde onuradun bakoitzeko.
• 2.1.c) oinarriko jarduerak: jardueraren kostuaren % 50, erakunde onuradun bakoitzeko 30.000 euroko mugarekin.
• 2.1.d) oinarriko jarduerak: jardueraren kostuaren % 50, erakunde onuradun bakoitzeko 30.000 euroko mugarekin.
• 2.1.e) oinarriko jarduerak: harpidetutako kapitalaren % 100, gehienez 3.000 euro bazkide sartu bakoitzeko.
• 2.1.g) oinarriko jarduerak: jardueraren kostuaren % 100, erakunde onuradun bakoitzeko 80.000 euroko mugarekin.

Diruz lagun daitezkeen gastuak

• 2.1.b) oinarriko kasuetarako, diruz lagundu daitezkeen gastutzat hartuko dira integrazio-erakundearen koordinazio-gastuak, integrazio-erakundearen lan-orduak, hau da, lan-bazkideen orduak, eta ez bazkideenak, diseinu grafikoaren prozesua garatzeko gastuak, hala nola material-gastuak, alokairuak eta antzeko beste batzuk, eta integrazio-erakundeak emandako kanpo-aholkularitzako gastuak, beharrezkoa denean.
• 2.1.c) eta 2.1.d) oinarrien kasuetan, diruz lagundu daitezkeen gastutzat hartuko dira.
  lege-aholkularitzako eta/edo aholkularitza ekonomikoko minutari dagozkionak, akordioak formalizatzeko notario- eta erregistro-kostuak; lehen diruz lagundutako eta artikulu horretan jasotako egiturak eta akordioak finkatzeari dagokionez, kontsolidazio hori egiteko beharrezkoak diren gastuak izango dira diruz lagun daitezkeenak.
• 2.1.e) oinarriaren kasuetarako, diruz lagundu daitekeen gastutzat hartuko da sozietate xurgatzaileari emandako kapital harpidetu berria, bat egindako sozietatearen kapitaletik ez datorrena. Harpidetza 2025eko abenduaren 31 baino lehen egin beharko da.
• 2.1.f) oinarriko kasuetarako, hura gauzatzeko beharrezkoak direnak, diruz lagundutako ekintza egiteko barne-kostuak barne.
• 2.1.g) oinarriko kasuetarako, partekatutako erronkak identifikatzeko eta mezuen hedapena programatzeko beharrezkoak direnak.
• 2.1.h) oinarriko kasuetarako, hartutako neurriak ezartzeko beharrezkoak diren gastuak.

Laguntzaren ordainketa

Deialdi honen babesean emandako dirulaguntzak honela ordainduko dira:

• Lehenengo ordainketa, dirulaguntza osoaren % 75erainokoa, dirulaguntza ematen den unean.
• Bigarren ordainketa, gainerako % 25era artekoa, diruz lagundutako jarduera amaitzen den egunean.

Justifikatzeko epea

Aipatutako dokumentazioa aurkezteko epea 3 hilabetekoa izango da, diruz lagundutako ekintzak amaitzen direnetik zenbatzen hasita.