Ebazpen honen xedea da Europako Berrikuntza Kontseiluaren (“Accelerator 2022”) “Azeleragailua” tresnaren hurrengo deialdietan bikaintasun-zigilua lortu duten ikerketa- eta garapen-proiektuak finantzatzeko 2022. urteko laguntzak zuzenean emateko prozedura onestea.
Entitate onuradunak:
Europako Batzordearen ekainaren 17ko 651/2014 (EB) Erregelamenduaren I. eranskinean zehaztutakoaren arabera, ETEek jaso ahal izango dituzte laguntzak.
2014koa. ETE onuradunek baldintza hauek bete beharko dituzte:
– Deialdi honetarako laguntza eskabidea aurkezten den unean eratu beharko dira.
– Egoitza fiskala Espainian izan beharko dute.
– Bikaintasun zigilua lortu beharko dute ebazpenaren 1.1 artikuluan zehaztutako deialdietan.
Diruz lagun daitezkeen jarduerak:
Finantzatu ahal izango dira, bakar-bakarrik, finantzatu beharreko jardueraren izaerari zalantzarik gabe dagozkion eta behar-beharrezkoak diren gastuak, eskabidean aurkeztutako proiektuaren deskribapenean eta deialdiaren 11. artikuluan deskribatutako proiektuaren memoria teknikoan oinarrituta.
Gastu hauek finantzatzen ahalko dira: ekipamenduaren, tresnen eta materialaren kostuak, langileen kostuak, kanpoko lankidetza teknikoen kostuak eta beste kostu batzuk, hala nola: bidaien kostuak, aktibo ez-materialak erosteko kostuak, jabetza industrial eta intelektualeko eskubideak eskatzeko kostuak, emaitzak argitaratzeko eta zabaltzeko kostuak, eta ikuskatzailearen txostenaren ondoriozko gastua.