Entitate Onuradunak

Deialdian araututako laguntzen onuradunak izan daitezke deialdian bertan ezarritakoaren araberako txanda-kontratuak egiten dituzten pertsona fisikoak eta juridikoak.

Diruz Lagundu Daitezkeen Jarduerak

Diruz lagunduko dira lanaldi osoko eta muga gabeko txanda-kontratuak, edo iraupen mugatukoak baldin eta behin amaituta edo amaitu baino lehenago mugagabe bihurtzeko konpromisoa jasotzen bada.

Txanda-kontratuak eskakizun hauek betetzen dituzten pertsonek sinatuko dituzte:

• 30 urtetik beherakoak edo 45 urtetik gorakoak izatea.
• Hauetariko egoeraren batean egotea:
  • Kontratua hasi aurreko egunean, langabeak izatea, nor dagokion enplegu-zerbitzu publikoan inskribatuta eta alta emanda.
  • Enpresarekin iraupen mugatuko kontratua hitzartuta izatea. Kasu horretan, enpresak, txanda-kontratuaz gain, kontratazio gehigarri bat egin beharko du, aldi baterako kontratua amaitzeko falta den denbora betetzeko bestekoa, gutxienez. Kontratazio gehigarria hauetariko egoeraren batean dauden pertsonei egingo zaie:
    • 45 urtetik gorakoei edo 30 urtetik beherakoei, baldin eta kontratua hasi aurreko egunean langabeak badira eta enplegu-zerbitzu publikoan inskribatuta eta alta emanda badaude.
    • 30 urtetik beherakoei, baldin eta enpresa berean prestakuntzako edozein kontratu mota badaukate hitzartuta.
  • 30 urtetik beherakoak izanez gero, batetik, enpresa berean prestakuntzako edozein kontratu mota edukitzea hitzartuta do Enpresetan egiten diren eta lan-arlokoak ez diren praktikak arautzen dituen urriaren 31ko 1543/2011 Errege Dekretuan araututako praktikaldian egotea, eta, bestetik, kontratuen edo lan-arlotik kanpoko praktikaldien indarraldian zehar edo amaieran txanda-hartzaile bihurtzea.

Dirulaguntzaren Zenbatekoa

Txanda-hartzailea 4. artikuluko arauen arabera kontratatuz gero, 8.400 euroko dirulaguntza emango da. Txanda-hartzailea emakumea bada, zenbateko hori % 10 handiagoa izango da.

Ordaintzeko Modua

Deialdi honen babesean emandako dirulaguntzak honela ordainduko dira:

• % 60 eskaera baiesten den unean.
• Gainerako % 40a laguntza eman eta urtebetera ordainduko da.

Aurkezteko Epea

Honako hauek izango dira dirulaguntza-eskabideak aurkezteko epeak:

• Deialdi hau EHAAn argitaratu aurretik hasitako kontratuak: hiru hilabete, argitaratu eta hurrengo egunetik aurrera (2024ko martxoaren 4a, gutxi gorabehera).
• Egun berean edo deialdia EHAAn argitaratu ondoren hasitako kontratuak: hiru hilabete, txanda-kontratua hasten den egunetik zenbatzen hasita.

Beste Dokumentu Interesgarri Batzuk

“Minimis” Araudi Berria: 2400910e.pdf (euskadi.eus)

Lanbide-Euskal Enplegu Zerbitzuko Administrazio Kontseiluaren Erabakia: 2404834e.pdf