Erakunde onuradunak

Dirulaguntza honen onuradun izan daitezke Bizkaiko Lurralde Historikoko udalak, mankomunitateak eta udal-partzuergoak, baldin eta Euskadiko Udalen Sareari eta OMEren Hiri Lagunkoien Munduko Sareari atxiki bazaizkio, edo, halakorik ezean, atxikimendua eskatu badute, OMEren proiektua beren lurralde-eremuetan ezartzen hastea erabakitzen badute edo hasi badira.

Diruz lagundu daitezkeen proiektuak

Dekretu honen bidez, Adinekoekin Lagunkoiak diren Hirien Proiektuaren ezarpen-zikloaren etapetan sartutako jarduerak diruz lagunduko dira, OMEren metodologian jasota daudenak: plangintza, planaren gauzatzea, egindako prozesuen ebaluazioa eta etengabeko hobekuntza, eta, zehazkiago, honako hauek:

• Adinekoak proiektuaren gauzapenean inplikatzeko mekanismoak ezartzea, profesional teknikoekin, tokiko eta udaleko ordezkari politikoekin eta komunitateko beste eragile batzuekin batera proiektuaren talde eragilea osatzeko.
• Udalerriaren, mankomunitatearen edo udal-partzuergoaren lagunkoitasun-mailaren diagnostikoa, ekintza-plan bat egitea eta jarraipen-adierazleak identifikatzea, zahartze aktiboa baldintzatzen duten zortzi eremuetatik gutxienez lau kontuan hartuta.
• Gauzatze-jarduketak.
• Ekintza-planaren gauzatzearen jarraipena, ebaluazioa eta kontrola egiteko jarduerak.

Diruz lagundu daitezkeen gastuak

• Erakunde eskatzailearen langile-gastuak, diruz lagundutako jarduerarekin zuzenean lotutakoak.
• Diruz lagundutako jarduerarekin zuzenean lotutako kanpo-gastuak:
  • Errentamenduak.
  • Zerbitzu profesional independenteak.
  • Publizitatea, propaganda eta harreman publikoak.
  • Boluntarioen konpentsazio-gastuak.
• Gainerako gastuak, gastu orokorrak eta/edo zeharkakoak.

Gauzatze epea

Dirulaguntzaren xedea gauzatzeko epea 2026ko urtarrilaren 1etik 2026ko abenduaren 31ra bitartekoa izango da.

Justifikazio epea

Justifikazio-kontu hori urtarrilaren 11ko 00:00etatik 2027ko maiatzaren 31ko 13:30ak arte aurkeztu beharko da.

Beste dokumentu batzuk

2026ko deialdiaren laburpena: I-1478_eus.pdf